დივოკ ორიჯი: “ვგრძნობ, რომ მადრიდის ფინალი მხოლოდ დასაწყისია”

მერსესაიდული “ლივერპულის” ბელგიელმა თავდასმხმელმა, დივოკ ორიჯიმ, ბრწყინვალე დონეზე ჩატარებული სეზონის შემდეგ საკუთარ მოლოდინებსა და გრძნობებზე ღიად ისაუბრა.

“პირადად ჩემთვის, კონტრაქტის გახანგრძლივება საკმაოდ ლოგიკური და პოზიტიური ნაბიჯი იყო. კლუბს ყოველთვის სჯეროდა ჩემი შესაძლებლობების. სასიამოვნო დიალოგი გვქონდა, რომელიც მარტივად დასრულდა.

მთავარია საკუთარ ინსტიქტებს უსმინო. დარწმუნებული ვარ, რომ ჩემს შრომას აფასებენ და მეტი შემიძლია, ჯერ კიდევ ბევრი მაქვს კლუბისთვის მისაცემი.

ჩვენ ძალიან ახალგაზრდა გუნდი გვყავს და ვგრძნობ, რომ მადრიდის ფინალი მხოლოდ დასაწყისია. ჩვენ მეტი გვწყურია. ეს დაბრუნებისთანავე შევამჩნიე,” – აცხადებს ორიჯი.

შეგახსენებთ, რომ 14 აგვისტოს “ლივერპული” ევროპის სუპერთასის ფინალში ლონდონის “ჩელსის” დაუპირისპირდება.