Don Balon: “სალაჰს “რეალში” გადასვლა სურს”

ბოლო პერიოდში ხშირად იწერება იმის შესახებ, რომ მადრიდის “რეალს” შეტევის ხაზის გაძლიერება სურს. ესპანალები მიმდინარე სეზონში უხვგოლიანი მატჩებით გულშემატკივრების განებივრებას ვეღარ ახერხებენ.

“ლივერპულის” რიგებში 2017 წლის ზაფხულის სატრანსფერო ფანჯრის დროს მუჰამედ სალაჰი ჩაირიცხა, რომელიც ბოლო პერიოდში საკმაოდ კარგად გამოიყურება და გუნდის ერთ-ერთი ლიდერია. ესპანური გამოცემა Don Balon-ი ავრცელებს ინფორმაციას, რომ ეგვიპტელმა ფეხბურთელმა თავის აგენტს მადრიდულ მხარესთან მოლაპარაკების უფლება მისცა. ჯერჯერობით უცნობია მიაღწევენ თუ არა მხარეები შეთანხმებას.

ეგვიპტელი ფეხბურთელი სხვადასხვა დროს “რომას”, “ჩელსის” და “ბაზელის” რიგებში გამოდიოდა, ის ასევე ეროვნული ნაკრების წევრია, სადაც მის ანგარიშზე 56 მატჩია.