დონარუმას ესპანეთთან მატჩში პირველივე წუთებიდან უსტვენდნენ (ვიდეო)
6 ოქტომბერს, უეფას ერთა ლიგის ნახევარფინალში იტალიის ნაკრები “სან სიროზე” ესპანეთს დაუპირისპირდა და 1:2 დამარცხდა.
რა თქმა უნდა, მატჩს ესწრებოდნენ “მილანის” ფანებიც, რომელთა ნაწილი ჯანლუიჯი დონარუმას თამაშის დაწყებამდეც და მისი მიმდინარეობის დროსაც უსტვენდა.
როგორც იცით, ახალგაზრდა მეკარემ გასულ ზაფხულს “მილანთან” კონტრაქტი არ გაახანგძლივა და ის “პარი სენ-ჟერმენს” თავისუფალი აგენტის სტატუსით შეურთდა.
შეხვედრის დასრულების შემდეგ, იტალიელთა მთავარმა მწვრთნელმა რობერტო მანჩინიმ ამ საკითხზე კომენტარი გააკეთა.
“დონარუმამ იტალიის ნაკრებში ითამაშა და ეს არ იყო საკლუბო მატჩი. ეს სიტუაცია ერთი დღით გვერდზე უნდა გადადებულიყო. მათ შეეძლოთ დაესტვინათ მაშინ, თუ “მილანი” “პარი სენ-ჟერმენის” წინააღმდეგ ითამაშებდა. იტალია იტალიაა და ეს ყველაფერზე წინ დგას”, – ციტირებს მანჩინის სიტყვებს Football Italia.
L’arrivo di donnarumma sotto la sud, volume al massimo amici pic.twitter.com/AZamTSTxxU
— simo 🦔 (@simostwt) October 6, 2021
