“დორტმუნდი” “მანჩესტერ იუნაიტედს” მანჯუკიჩისთვის ბრძოლაში შეეცილება

დორტმუნდის “ბორუსია” ტურინის “იუვენტუსის” ფორვარდ მარიო მანჯუკიჩის დამატებას შეეცდება.

“კიკერის” ცნობით, გერმანული კლუბი მზად არის, 33 წლის ფეხბურთელისთვის ბრძოლაში “მანჩესტერ იუნაიტედს” შეეცილოს.

“ბებერი სინიორას” თავკაცმა მაურიციო სარიმ ხორვატი თავდამსხმელი საჩემპიონთალიგო განაცხადში არ შეიყვანა და მანჯუკიჩს მიმდინარე სეზონში არცერთი მატჩი არ აქვს ჩატარებული.

შეგახსენებთ, რომ მარიო მანჯუკიჩს გერმანიის ბუნდესლიგაში თამაშის გამოცდილება აქვს: ის 2010-2012 წლებში “ვოლფსბურგში” გამოდიოდა, 2012-2014 წლებში კი მიუნხენის “ბაიერნის” ღირსებას იცავდა. ხორვატმა ფეხბურთელმა ბავარიული გუნდის შემადგენლობაში გერმანიის ჩემპიონატი ორჯერ მოიგო, ერთხელ კი ქვეყნის თასს დაეუფლა, გახდა ჩემპიონთა ლიგისა და საკლუბო მსოფლიოს ჩემპიონატის გამარჯვებული.