დრაქსლერი სამშობლოში ბრუნდება?
მას შემდეგ, რაც 2017 წლის ზაფხულის სატრანსფერო ფანჯრის დროს “პარი სენ-ჟერმენში” ნეიმარი და მბაპე გადმობარგდნენ გერმანელ შემტევ, იულიან დრაქსლერს მცირე სათამაშო დრო ეძლევა, რითიდაც დედაქალაქელთა შემტევი ბედნიერი ნამდვილად არ არის.
ფრანგული გამოცემა France Football-ი ავრცელებს ინფორმაციას, რომ დრაქსლერის დამატებით მიუნხენის “ბაიერნია” დაინტერესებული და მას, გერმანელები რიბერის შემცვლელად განიხილავენ. ფრანგს გამუდმებით ტრავმები აწუხებს, ამიტომაც ის სტაბილურად თამაშს ვეღარ ახერხებს. იულიანის დამატებას მიუნხენელები შემდეგი ზაფხულის სატრანსფერო ფანჯრის დროს შეეცდებიან, მანამდე კი დრაქსლერს პარიზში მოუწევს სხვა ვარსკვლავებისთვის კონკურენციის გაწევა.
შეგახსენებთ, რომ იულიან დრაქსლერი საფრანგეთში 2017 წლის ზამთარში გადმოვიდა და განვლილი პერიოდის განმავლობაში ერთ-ერთი საუკეთესო იყო “პსჟ”-ს რიგებში, მანამდე კი 24 წლის შემტევი “ვოლფსბურგსა” და “შალკეში” გამოდიოდა.
