დუშან ტადიჩი: “ვამაყობ, მსოფლიოს საუკეთესო კლუბი დავამარცხეთ”

6 მარტს ამსტერდამის “აიაქსმა” ისტორია დაწერა და ჩემპიონთა ლიგის მერვედფინალური ეტაპიდან მადრიდის “რეალი” გამოაგდო (3:5). “სანტიაგო ბერანბეუზე” დადგმული სპექტაკლის ერთ-ერთმა მთავარმა შემოქმედმა, დუშან ტადიჩმა, მატჩის შემდეგ პრესასთან საკუთარ ემოციებზე ისაუბრა.

“მსოფლიოს საუკეთესო კლუბის დამარცხება შევძელით. ეს განსაკუთრებული, ისტორიული დღეა და დღეს ძალიან ამაყი ვარ. მეამაყება ჩემი თანაგუნდელების, ხელმძღვანელობის, მწვრთნელისა და გულშემატკივრების.

ბედნიერი ვარ, რომ “აიაქსში” გადმოვედი. ეს მომენტები ამად ნამდვილად ღირს. ჩვენ ყველას ვაჩვენეთ, თუ რა შეგვიძლია, როდესაც გუნდის თითოეული წევრი ერთ მიზანს ემსახურება.

რაც შეეხება ზიდანს, ის განსაკუთრებული ფეხბურთელი იყო, ჩემი ფავორიტი. ყველაფერი, რასაც ის აკეთებდა, განსაკუთრებული იყო. რა თქმა უნდა, მისი თამაშის ვიდეოები ნანახი მაქვს,” – აცხადებს ტადიჩი.