ძალოსნობაში საქართველოს ჩემპიონატი საჩხერეში ჩატარდება

ქალაქ საჩხერეში ძალოსნობაში საქართველოს ჩემპიონატი ჩატარდება. იგი 11 ნოემბერს აიღებს სტარტს და 13 ნოემბრამდე გასტანს. ესაა ტურნირი, რომელიც ყოველწლიურად იმართება და რომელშიც ძალიან ბევრი ნიჭიერი ახალგაზრდის აღმოჩენაა შესაძლებელი.

საგულისხმოა, რომ საქართველოს ჩემპიონატში 80-ზე მეტი სპორტსმენი მიიღებს მონაწილეობას. მათ შორის, რა თქმა უნდა,  იქნება საჩხერელი ოლიმპიური ჩემპიონი, ლაშა ტალახაძე, რომელიც თავის წონაში უდავო ფავორიტია.

ტურნირზე სულ 8 წონითი კატეგორიაა: 56 კგ., 62 კგ., 69 კგ., 77 კგ., 85 კგ., 94 კგ., 102 კგ., 102+ კგ. სწორედ ამ უკანასკნელში იასპარეზებს რიოს ოლიმპიადის ოქროს მედლის მფლობელი!

მოკლედ, ძალოსნობისა და, ზოგადად, ქართული სპორტის მოყვარულებს საჩხერე 11 ნოემბერს 12:00 საათიდან გელით.