ედ ვუდვორდი: “მანჩესტერ იუნაიტედმა” პრემიერ ლიგა უნდა მოიგოს”
“მანჩესტერ იუნაიტედის” აღმასრულებელი დირექტორი, ედ ვუდვორდი, ბრიტანულ პრესასთან საუბრისას აღნიშნავს, რომ კლუბის ხელმძღვანელობასა და გულშემატკივრებს მხოლოდ ჩემპიონობა დააკმაყოფილებს.
“მანჩესტერ იუნაიტედმა” პრემიერ ლიგა უნდა მოიგოს. ჩვენთვის ეს მთავარი მიზანი უნდა იყოს, რაზეც მთელი ძალებით ფოკუსირებაა საჭირო. ჩემპიონთა ლიგის მოსაგებად იღბალია საჭირო, თუმცა პრემიერ ლიგა სხვა საქმეა.
კომერციული თვალსაზრისით წარმატებულობა გარკვეულწილად განაპირობებს მოედანზე წარმატებასაც. გარდა ამისა, შემოსული თანხა გამუდმებით უნდა ვხარჯოთ, რასაც ყოველთვის ვაკეთებდით.
ჩვენ ყველაფერი უნდა გავაკეთოთ შეძლებისდაგვარად, რათა გუნდს ძველი დიდება დავუბრუნოთ. მანამ სანამ ჩემპიონობას არ დავიბრუნებთ, წარმატებულად ვერ ჩავთვლით თავს,” – აცხადებს ვუდვორდი.
შეგახსენებთ, რომ პრემიერ ლიგის 9 ტურის შემდეგ “მანჩესტერ იუნაიტედი” სატურნირო ცხრილში მე-14 პოზიციას იკავებს და ორი ქულა აშორებს გასავარდნ ზონას.
