ედინ ჯეკო: “ტორინოს” კარში გატანილი გოლი ერთ-ერთი საუკეთესოა ჩემს კარიერაში”

იტალიის სერია ა საკმაოდ დაძაბულად დაიწყო. ბოლო წუთზე გატანილი გოლით გადაწყდა “ტორინოსა” და “რომას” შორის გამართული ძალიან საინტერესო მატჩიც. ედინ ჯეკო აღიარებს, რომ ეს გოლი ერთ-ერთი საუკეთესოა თავის კარიერაში.

“ძალიან რთული მატჩი იყო, თუმცა ტურინში ყოველთვის ასეა. ისინი ბევრ პრობლემას გვიქმნიდნენ წარსულშიც, თუმცა, როდესაც პრობლემის წინაშე ვართ, მასზე ერთად, გუნდურად ვზრუნავთ.

დავინახე, როგორ მიჰქონდა ბურთი კლუივერტს მარჯვენა ფლანგზე და იმედი მქონდა, რომ გადაცემას გამიკეთებდა. საბედნიეროდ, სწორედ ასე მოიქცა. ბევრი დრო არ მქონდა ფიქრისთვის, საჯარიმოში ბევრნი იყვნენ, ამიტომაც უნდა დამერტყა.ეს გოლი ერთ-ერთი საუკეთესოა ჩემს კარიერაში, ალბათ, სამეულში შედის.

რაც შეეხება კლუივერტს, ის ძალიან ნიჭიერი ფეხბურთელია, ორივე ფლანგზე შეუძლია თამაში, რაც მას ძალიან საშიშს ხდის,” – აცხადებს ბოსნიელი თავდამსხმელი.

იხილეთ ედინ ჯეკოს მიერ გატანილი გოლის ვიდეო.