ედინსონ კავანი იტალიურ ფეხბურთს უბრუნდება

იტალიურ სერია ა-ს სულ მალე კიდევ ერთი ვარსკვლავი შეუერთდება. ამჯერად საუბარია “პარი სენ-ჟერმენში” მოთამაშე ედინსონ კავანიზე, რომელსან “ნაპოლის” მაისურით თამაშის საკმაოდ დიდი გამოცდილება გააჩნია.

იტალიურ პრესაში გავრცელებული უახლესი ცნობების თანახმად, “მატადორს” უკვე დაუკავშირდა ნეაპოლიტანური კლუბის პრეზიდენტი აურელიო დე ლაურენტისი და შესაძლო ტრანსფერი განიხილეს.

მართალია, კავანის “პარი სენ-ჟერმენთან” კონტრაქტი 2020 წლამდე აკავშირებს. თუმცა, კარლო ალვინო, რომელმაც პირველად მოიპოვა ინფორმაცია ანჩელოტისა და “ნაპოლის” კავშირის შესახებ, ირწმუნება რომ ნეიმარის “ეგოისტობის” გამო კავანის პარიზში დარჩენა აღარ უნდა.

31 წლის ფეხბურთელი მზადაა, ხელფასიც შეიმციროს. გეტყვით იმასაც, რომ ურუგვაელი ფეხბურთელის შვილები ჯერ კიდევ ენაპოლში ცხოვრობენ.