“ელ კლასიკოზე” დასასწრები ბილეთების ფასმა რეკორდულ ღირებულებას მიაღწია

მიუხედავად იმისა, რომ წლევანდელი “ელ კლასიკო” კრიშტიანუ რონალდუსა და ლიონელ მესის გარეშე ჩატარდება, მატჩზე დასასწრები ბილეთების ფასმა რეკორდულ ღირებულებას მიაღწია. ფასი 179-დან 499 ევრომდე მერყეობს, რაც “ელ კლასიკოს” ისტორიაში რეკორდული ღირებულებაა. ვიპ-ადგილებზე მოსახვედრი ბილეთის ფასი სულაც ოთხი ათას ევროს აღემატება.

აღსანიშნავია, რომ გასულ სეზონში “ბარსელონასა” და მადრიდის “რეალს” შორის გამართულ მატჩზე დასასწრები ბილეთების ღირებულება 129-დან 439 ევრომდე მერყეობდა.

მატჩი “ბარსელონასა” და “რეალს” შორის 28 ოქტომბერს გაიმართება და თბილისის დროით 19:15 საათზე დაიწყება.