ელისაშვილი: “ვიღაც არაფრისმაქნისები ხვიჩა კვარაცხელიას ლანძღავენ რუსეთს რატომ არ აგინაო”

პარლამენტარი ალექსანდრე ელისაშვილი ხვიჩა კვარაცხელიას მიმართ ბულინგს გამოეხმაურა.

“ვიღაც არაფრისმაქნისები ხვიჩა კვარაცხელიას ლანძღავენ რუსეთს რატომ არ აგინაო. ისეთები ანთხევენ ბოღმას მართლა არაფრისმაქნისები რომ არიან და მარტო სხვის ლანძღვაში რომ გახდნენ დიდოსტატები. კვარაცხელია ომის დაწყებისთანავე რუსეთიდან წამოვიდა და ბათუმში ითამაშა დიდებულად, ეს იყო მისი პატრიოტული განაცხადი. თავი დაანებეთ ამ ბიჭს, მასზე დიდ ქართულ საქმეს არავინ არ აკეთებს და მით უფრო ვიღაც ქეციანი უსაქმურები თითი თითზე რომ არ დაუდიათ საქართველოსთვის. მიდი ხვიჩა, მაგ ტუტუცებს არ უგდო ყური! ეგეთები სულ იქნებიან, მთავარია შენ გვასახელო კიდევ უფრო მეტად! გაუმარჯოს ხვიჩა კვარაცხელიას!” – დაწერა ელისაშვილმა.

გიგა მაქარაშვილმა და ვახო სანაიამ კვარაცხელია კიდევ ერთხელ გააკრიტიკეს დარუსეთის მიმართ ლმობიერი დამოკიდებულებაში დაადანაშაულეს.