ელიტრაუნდი (მე-3 ჯგუფი): დღე მეორე

თარიღი: მარტი 28, 2012

დღეს, უეფას 2012 წლის 17-წლამდელთა ევროპის ჩემპიონატის ელიტრაუნდის მე-3 ჯგუფის მეორე ტურის მატჩები გაიმართა და საბედნიეროდ, ყველაფერი ჩვენს სასიკეთოდ წარიმართა. ქართველმა ახალგაზრდებმა “მიხეილ მესხზე” ინგლისელი თანატოლები მიიღეს. თავიდანვე ცხადი იყო, რომ ფიზიკურად ძლიერ ბრიტანელებთან მეტად გაგვიჭირდებოდა, თუმც ჩვენმა ბიჭებმა მრისხანე მეტოქეს არაფერი დაუთმეს და დაძაბულ პაექრობაში მათი დამარცხებაც მოახერხეს. გუნდებმა 80 წუთის განმავლობაში ბურთი უგოლოდ აგორავეს, მატჩს ისეთი პირიც უჩანდა, რომ მხარეები ერთმანეთს საყაიმო ანგარიშით დაშორდებოდნენ, თუმცა მსაჯის მიერ კომპენსირებულ დროში ქართველი ახალგაზრდების ლამაზი კომბინაცია გოლით გიორგი პაპუნაშვილმა დააგვირგვინა. დღევანდელ შეხვედრაში ჩვენს გუნდს მწვრთნელის ხელი აშკარად ეტყობოდა. საქართველოს 17-წლამდელთა ნაკრების თამაშში წინა მატჩისგან გასხვავებით გაცილებით ნაკლები შეცდომა შეინიშნებოდა, ფეხბურთელები მოქმედებდნენ უფრო გუნდურად. დღევანდელ შეხვედრაში ერთადერთი უარყოფითი ფაქტი ის გახლდათ, რომ მატჩის შემდეგ გახარებული გულშემატკივრები მოედანზე შეცვივდნენ, რის გამოც შესაძლოა, უეფამ საქართველოს ფეხბურთის ფედერაცია მკაცრად დასაჯოს.

“მინდა დიდი მადლობა გადავიხადო გულშემატკივარს. დღეს უმნიშვნელოვანესი გამარჯვება მოვიპოვეთ და ვიმედოვნებ, რომ ევროპის ჩემპიონატის საგზურს მივიღებთ”, – ეს სიტყვები გოლის ავტორს ეკუთვნის.

საქართველოს 17-წლამდელთა ნაკრების დამრიგებელმა ვასილ მაისურაძემ ინგლისთან გამარჯვება იმ გმირების ხსოვნას მიუძღვნა, რომლებიც სამშობლოს ერთიანობისთვის ბრძოლაში დაიღუპნენ.

საქართველოს 17-წლამდელთა ნაკრებმა ინგლისელების დამარცხებით მართლაც დიდი ნაბიჯი გადადგეს დასახული მიზნისკენ და იმედია, ჩვენი ბიჭები ბოლო ტურში უკრაინასთან ღირსეული თამაშით ჯგუფის პირველ ადგილს არავის დაუთმობენ.

საქართველო – ინგლისი 1:0

საქართველო: ადამია, კაკაბაძე, დვალი, ჭანტურია, სამხარაძე, ჭეჭელაშვილი (ცინცაძე 77′), პაპუნაშვილი, წილოსანი, ჯიქია (დარციმელია 51′), გოროზია, მზევაშვილი.
მთავარი მწვრთნელი: ვასილ მაისურაძე.

ინგლისი: უილისი, უები, ინისი (ლეო ჩემბერსი 75′), ჰეიდენი, გრემი (ბენეტი 41′), სვიფტი, კალუმ ჩემბერსი, შოუ, კალუმ რობინსონი, ჯები (ჰიუზი 73′), აკპომი.
მთავარი მწვრთნელი: ჯონ პიკოკი.

გოლი: პაპუნაშვილი 80+3′.
გაფრთხილებები: გოროზია 35′, დვალი 37′, წილოსანი 39′, ჭეჭელაშვილი 80+3′ -კალუმ ჩემბერსი 51′, ბენეტი 52′, ჰეიდენი 59′, სვიფტი 71′.
მთავარი მსაჯი: კრის რაიხი (ლუქსემბურგი).

დღევანდელი დღის მეორე მატჩი “ბორის პაიჭაძის დინამო არენაზე” ესპანეთისა და უკრაინის 17-წლამდელთა ნაკრებებს შორის შედგა. შეხვედრა მეტად დრამატულ ვითარებაში წარიმართა და სტადიონზე მისულ მაყურებელს მოწყენის საშუალება არ მიეცა. მატჩში უკრაინელები დაწინაურდნენ, პირინეელებმა ამჯერადაც სწრაფი გოლი გაუშვეს, გოლით მე-8 წუთზე მაქსიმ ტიშენკო გამოირჩა. მატჩის მე-16 წუთზე უკრაინის ნაკრების კარის მიმართულებით დანიშნული თერთმეტმეტრიანის რეალიზება სერგი სამპერმა ვერ მოახერხა, თუმცა სამიოდ წუთში ივან კალერომ მაინც მოახერხა ანგარიშის გათანაბრება. შეხვედრის 34-ე წუთზე თერთმეტმეტრიანი ამჯერად ესპანეთის კარის მიმართულებით დაინიშნა, თუმცა მისი გოლად ქცევა ვერც ამჯერად მოახერხეს. პენალტი გუნდის თავ იგორ ხარატინს გაუცუდდა. გუნდები შესვენებაზე საყაიმო ანგარიშით გავიდნენ. მაყურებელი მატჩის მეორე ნახევარშიც შემტევი ფეხბურთის მომსწრე გახდა, სახიფათო მომენტი ხან ერთ კართან იქმნებოდა, ხანაც მეორე კართან. საბოლოოდ, გოლი 71-ე წუთზე გავიდა, უკრაინელები დაწინაურდნენ, თავი დმიტრო ბილონოგმა გამოიჩინა, თუმცა სლავებს დიდი ხანი სიხარული არ ეწერათ. ზუსტად ერთ წუთში ალვარო ბასტოსმა ლამაზი დარტყმით ანგარიში გაათანაბრა და მატჩის წერტილიც დასვა.

მატჩისშემდგომ პრესკონფერენციაზე პირველები უკრაინელები გამოცხადდნენ.

მათი ნაკრების მთავარმა მწვრთნელმა ოლექსანდრ პეტრაკოვმა შემდეგი განაცხადა: “ძალიან კარგი მატჩი გამოდგა. გუნდებმა თანაბარი თამაში აჩვენეს. დღეს მიღწეული რეზულტატით კმაყოფილი ვარ. მობრძანდით ჩვენი ნაკრების მომავალ შეხვედრაზეც. კარგ თამაშს გპირდებით. ალბათ, იცით ჩვენი ხასიათის შესახებ”.

ესპანელთა დამრიგებელმა სანტიაგო დენიამ კი აღნიშნა: “რთული მატჩი გამოდგა. მეტად მძიმე ჯგუფში მოვხვდით. აქ ყველა გამარჯვებისთვის იბრძვის”.

დენიამ მცირე კომენტარი საქართველოს 17-წლამდელთა ნაკრებზეც გააკეთა: “ძალიან ბრძოლისუნარიანი გუნდი გყავთ, საქართველოს კარგი ფეხბურთელები ჰყავს და საერთოდ, თქვენს გუნდში პოტენციალი შეინიშნება”.

ბოლოს კი ესპანელთა თავკაცმა მადლობა საქართველოს ფეხბურთის ფედერაციასაც გადაუხადა: “ტურნირი კარგად ორგანიზებულია, რისთვისაც ქართველებს მადლობას გიხდით”.

 

ესპანეთი-უკრაინა 2:2

ესპანეთი: ბლანკო, ბელერინი, საესი, ხაიმე სანჩესი, გაია (გრიმალდო 41′), სამპერი, კასტილიეხო (იგლესიასი 55′), კოტანი, არგუესი (სერანო 68′), ბუსტოსი, კალერო.
მთავარი მწვრთნელი: სანტი დენია.

უკრაინა: სარნავსკი, ბურდა, ხარატინი, ტკაჩუკი, ტანკოვსკი (ლაზაროვიჩი 38′), ტიშჩენკო (ვეტროვი 75′), გაბელიუკი, მირანიანი (რადჩენკო 58′), ლუხტანოვი, პოლეჩენკო, ბილონოგი.
მთავარი მწვრთნელი: ოლექსანდრ პეტრაკოვი.

გოლები: ტიშჩენკო 8′, კალერო 19′, ბილონოგი 72′, ბუსტოსი 73′.
მე-17 წუთზე სამპერმა ვერ გაიტანა პენალტი (მეკარე).
33-ე წუთზე ხარატინმა ვერ გაიტანა პენალტი (მეკარე).
გაფრთხილება: კასტილიეხო 50′, სერანო 77′ – ტკაჩუკი 48′, ხარატინი 62′.
მთავარი მსაჯი: ნიკოლაი იორდანოვი (ბულგარეთი).

ამრიგად, ჯგუფს სათავეში საქართველოს ნაკრები 4 ქულით ჩაუდგა, 3 ქულა აქვს ინგლისის ნაკრებს, მესამე პოზიციას 2 ქულით ესპანელები იკავებენ, უკრაინელებმა კი აქტივში პირველი ქულა დღეს ჩაიწერეს.

ჯგუფის დასკვნითი ტური შაბათს გაიმართება და ორივე მატჩი თანადროულად, 14:00 საათზე დაიწყება. “მიხეილ მესხზე” ერთმანეთს საქართველოსა და უკრაინის 17-წლამდელთა გუნდები დაუპირისპირდებიან, “ბორის პაიჭაძეზე” კი ინგლისელები ესპანელებთან გაარკვევენ ურთიერთობას.

 

მსგავსი სიახლეები
ფეხბურთი

ლევან მჭედლიძე საქართველოში ბრუნდება

გავრცელებული ინფორმაციის თანახმად, 29 წლის ქართველი თავდამსხმელი, ლევან მჭედლიძე კარიერას თბილისის “დინამოში” გააგრძელებს. მჭედლიძე 11 [&h...
წაკითხვა
ფეხბურთი

ლევან კობიაშვილი: “ვაისის მიმართ დიდი ინტერესია”

ფეხბურთის ფედერაციის პრეზიდენტი, ლევან კობიაშვილი გადაცემაში “სპორტი იმედზე” იყო მიწვეული და საქართველოს ნაკრების მთავარი მწვრთნელის, [&he...
წაკითხვა
ფეხბურთი

გიორგი აბურჯანიამ “ტვენტეში” პირველი გოლი შეაგდო (ვიდეო)

საქართველოს ეროვნული ნაკრების ნახევარმცველმა, გიორგი აბურჯანიამ ჰოლანდიურ “ტვენტეში” სადებიუტო გოლი გაიტანა. “ფორტუნა სიტარდის”...
წაკითხვა
ფეხბურთი

ლევან კობიაშვილი: “სანამ ეს ადამიანი “ტორპედოს” ფლობდა, მანამდე შეუძლებე

ფეხბურთის ფედერაციის პრეზიდენტმა, ლევან კობიაშვილმა ქუთაისის “ტორპედოს” ფინანსური პრობლემების შესახებ გადაცემაში “სპორტი იმედზე̶...
წაკითხვა
ფეხბურთი

ეროვნული ლიგა – “დინამო ბათუმმა” ზედიზედ მე-5 მოიგო, გორი რუსთავს დაუზავ

ეროვნული ლიგის 27-ე ტურის მე-2 დღე უშუალო კონკურენტების, გორის “დილასა” და რუსთავის “რუსთავს” შორის მატჩით […]...
წაკითხვა
ფეხბურთი

ბუდუ ზივზივაძის დუბლი უნგრეთის ჩემპიონატში (ვიდეო)

უნგრეთის ჩემპიონატის მე-5 ტურში ბუდუ ზივზივაძის “მეზოკოვეშდი” “კიშვარდას” ეწვია და ზივზიძის დუბლით იმარჯვა. ბუდუმ ანგარიში [&h...
წაკითხვა
ფეხბურთი

რა გააკეთეს “ტორპედოს” ფეხბურთელებმა “საბურთალოსთან” მატჩის წინ?

ქუთაისის “ტორპედოს” ოფიციალურ გვერდზე კიდევ ერთი განცხადება გამოქვეყნდა, მას შემდეგ, რაც ჟურნალისტებსა და გულშემატკივრებს ფეხბურთელების [&...
წაკითხვა
ფეხბურთი

უკვე ფეხბურთელებიც ილაპარაკებენ! – გაუსაძლისი პირობები “ტორპედოში”

ქუთაისის “ტორპედოს” ოფიციალურ გვერდზე განცხადება გამოქვეყნდა. გუნდის ფეხბურთელები ხვალ პრესკონფერენციაზე ისაუბრებენ იმ გაუსაძლის პირობებზე...
წაკითხვა
ფეხბურთი

“ტორპედოს” 16 წლის მეკარის წარმატებული დებიუტი ეროვნულ ლიგაში (ვიდეო)

ეროვნულ ლიგაში ქუთაისის “ტორპედოს” 16 წლის მეკარის, დავით ასათიანის დებიუტი შედგა. საჩხერის “ჩიხურასთან” მატჩამდე 30 […...
წაკითხვა
ფეხბურთი

ეროვნული ლიგა – “ტორპედო” ბოლო წამზე გადარჩა, “საბურთალომ” მ

სანაკრებო პაუზის შემდეგ ეროვნული ლიგა 2 მატჩით განახლდა. ბოლნისში “სიონმა” მოქმედი ჩემპიონი, თბილისის “საბურთალო” მიიღო [&hell...
წაკითხვა
ფეხბურთი

შოთა არველაძე ვან დერ ვაარტის გამოსამშვიდობებელ მატჩში ითამაშებს

ლეგენდარული ქართველი ფეხბურთელი, შოთა არველაძე რაფაელ ვან დერ ვაარტის გამოსამშვიდობებელ მატჩში ითამაშებს. ამის შესახებ შოთამ […]...
წაკითხვა
ფეხბურთი

ირაკლი ბუღრიძე: “მთავარი მატჩები შვეიცარიაში იწყება”

21-წლამდე ნაკრებმა ევროპის ჩემპიონატის საკვალიფიკაციო ეტაპზე ლიხტენშტაინი 4-0, აზერბაიჯანი კი 0-3 დაამარცხა და ჯგუფს ლიდერობს. […]...
წაკითხვა
ფეხბურთი

ცნობილია მესამე ევროტურნირის სახელწოდება

ცნობილი გახდა მესამე ევროტურნირის სახელწოდება, რომელმაც სტარტი 2021-2022 წლების სეზონიდან უნდა აიღოს. გერმანული გამოცემა “ბილდი” […...
წაკითხვა
ფეხბურთი

19-წლამდე ნაკრებმა ამხანაგურად პოლონეთი დაამარცხა

10 სექტემბერს, საქართველოს 19-წლამდე ნაკრებმა ევროპის ჩემპიონატის საკვალიფიკაციო ეტაპისთვის მზადების პროცესში პოლონეთის წინააღმდეგ ამხანაგური მატჩი [&...
წაკითხვა
ფეხბურთი

კურიოზი: საქართველოს 21-წლამდე ნაკრების მეკარემ თანაგუნდელი არ დაინდო (ვიდეო)

10 სექტემბერს, ევროპის 21-წლამდე ჩემპიონატის შესარჩევ ეტაპზე საქართველოს ნაკრები სტუმრად აზერბაიჯანს დაუპირისპირდა და მეტოქე 3:0 […]...
წაკითხვა