ენერგოეფექტურობის პროექტი „ტორპედოს“ ბაზაზე

დღეს ქუთაისის „ტორპედოს“ საწვრთნელ ბაზაზე ქალაქის მერიის დაფინანსებით ენერგოეფექტურობის საპილოტო პროექტის პრეზენტაცია გაიმართა. პროექტის ფარგლებში, „ტორპედოს“ ბაზაზე დამონტაჟდება მზის გამანათებელი და წყლის გამაცხელებელი სისტემა, რომლის მიზანია ენერგო გადასახადების შემცირება და ქალაქის ეკოლოგიური მდგომარეობის გაუმჯობესება. დღესვე დაიწყო ბაზის შენობების ენერგეტიკული აუდიტი. პროექტის განხორციელებაში ქუთაისის მერიას ეხმარება კომპანია „BP საქართველო“ და აშშ-ს საერთაშორისო განვითარების სააგენტო “Winrock საქართველო“. აღნიშნული ტექნოლოგიები, სავარაუდოდ, მიმდინარე წლის ბოლომდე დაყენდება.

ღონისძიების ფარგლებში, შედგა ამხანაგური მატჩიც, „ტორპედოსა“ და „მართვეს“ ასაკობრივ გუნდებს შორის. შეხვედრის მონაწილეებსა და დამსწრე საზოგადოებას საჩუქრად ზემოხსენებულ ორგანიზაციათა მიერ დამზადებული სპეციალური ქუდები და მაისურები გადაეცათ.

ვრცელი ფოტომასალა იხილეთ – Facebook-ზე

FCTorpedo.GE