ერნანესმა “ლაციოსთან” გატანილი გოლის შემდეგ გაკეთებული მალაყი “ლაციოს” პრეზიდენტს მიუძღვნა

იტალიის ჩემპიონატის 35-ე ტურის ერთ-ერთი ცენტრალური მატჩი “სტადიო ოლიმპიკოზე” გაიმართა, სადაც რომის “ლაციომ” მილანის “ინტერი” მიიღო და ანგარიშით 1:2 დამარცხდა. სტუმართაგან ორივე გოლი ერნანესმა გაიტანა, რომელიც მანამდე სწორედ “ლაციოს” ღირსებას იცავდა. მატჩის შემდეგ ფეხბურთელმა განაცხადა, რომ გოლის აღნიშვნა არ სურდა, თუმცა მალაყზე გადასვლით ყოფილი კლუბის პრეზიდენტს უპასუხა.

“ეს ჩემს კარიერაში ყველაზე სევდიანი მალაყი იყო. არ მინდოდა, “ლაციოს” ფანების წინაშე უპატივცემულობა გამომეჩინა. ამით კლაუდიო ლოტიტოს (“ლაციოს” პრეზიდენტი) ვუპასუხე.

ცოტა ხსნი წინათ ლოტიტო ჩემზე ბევრს საუბრობდა. იმ დროს “ინტერში” სათადარიგოთა შორის ვიყავი. მაშინ ლოტიტომ თქვა, რომ მომგებიანად მომიშორა. ეს სიტყვები ნამდვილად არ მომეწონა.

გოლის გატანა და შემდეგ მისი რეაქციის ხილვა ძალიან მსურდა. ამ მალაყს ლოტიტოს ვუძღვნი”, – ერნანესის კომენტარი Football Italia-მ გამოაქვეყნა.