ეროვნული ლიგა 2: ლიდერების მატჩი “რუსთავის” გამარჯვებთ დასრულდა

თარიღი: მაისი 28, 2017

დღეს ეროვნული ლიგა 2-ში საინტერესო მატჩი გაიმართა.

მე-15 ტურში, რუსთავში, “ფოლადზე” ადგილობრივი “რუსთავი” “მერანს” შეხვდა. მატჩამდე მასპინძლებს 29 ქულა ჰქონდათ და მეორე ადგილზე იყვნენ, ხოლო “მერანი” 33 ქულით ლიდერი იყო.

მატჩი საკმაოდ დაძაბული გამოდგა. პირველ ტაიმში გოლი არ გასულა.

მეორე ნახევრის 61-ე წუთზე რევაზ გეწაძე გააძევეს და მეგრელები ათი კაცით დარჩნენ. ამის შემდეგ “რუსთავი” უფრო გააქტიურად, რაც მალე ანგარიშშიც აისახა. 88-ე წუთზე დათა სიჭინავამ გამარჯვების გოლი გაიტანა და “მერანთან” ახლა სხვაობა ერთი ქულაა.

მომდევნო ტურში რუსთაველები “სიონს”, ხოლო მარტვილელები “გურიას” დაუპირისპირდებიან.

მსგავსი სიახლეები