ეროვნული ლიგა 25-ე ტურის პრევიუ: ყველაფერი, თუ ქართული ფეხბურთი გიყვარს

თარიღი: სექტემბერი 21, 2018

ეროვნული ლიგის 25-ე ტურს დღეს 16:00 საათზე ფოთის “კოლხეთისა” და “ლოკომოტივის” დაპირისპირება გახსნის. ზეგ 3 მატჩი გაიმართება, მათ შორის, ტურის ცენტრალურ შეხვედრაში” “საბურთალო” “ტორპედოს” უმასპინძლებს, 24-ში კი “ჩიხურა” რამდენიმე თამაშიანი მოუგებელი სერიის შემდეგ “სამტრედიასთან” შეეცდება რეაბილიტაციას. Fanebi.com სრულ პრევიუს წარმოგიდგენთ.

“კოლხეთი” VS “ლოკომოტივი” – რა შეუძლია დემიდოვს?

http://www.picz.ge/img/s2/1809/21/2/2ed220bebf89.jpg

ფოთის “კოლხეთი” გასულ ტურში სრულიად განსხვავებული და შეცვლილი შემადგენლობით ეთამაშა “რუსთავს” და 1 ქულა მოიპოვა. მატჩის მიმდინარეობისას, ვიქტორ დემიდოვის შეგირდებს რამდენიმე კარგი შანსიც ჰქონდათ და მეტოქის წინააღმდეგ, საკმაოდ სოლიდურად გამოიყურებოდნენ. მიუხედავად ამისა, “ლოკომოტივი”, თავის მხრივ, ფავორიტად ითვლება და გამარჯვების შემთხვევაში, პრაქტიკულად საბოლოოდ გაინაღდებს ეროვნულ ლიგაში დარჩენას. “სიონის” წინააღმდეგ მშვენივრად ითამაშეს გაბაძემ, ჭანტურიამ, კობახიძემ და დაცვაში შესანიშნავად გამოიყურებოდნენ. აქედან გამომდინარე, ყველაფრის გათვალისწინებით, “კოლხეთი” კვლავაც დემიდოვის იმედზეა და ისევ საინტერესოა, რა შეუძლია დემიდოვს?

ლოკომოტივი: თევდორაძე – გაბაძე, ჭანტურია – კობახიძე, სამურკასოვი

კოლხეთი: დემიდოვი – ტყემალაძე – იმნაძე

 

სიონი VS დინამო – “დინამო” კაპიტნების წინააღმდეგ

Image result for დინამო კოშკაძე, ხმალაძე

კვირას 16:00 საათზე ნაწილობრივ მზიან კოკისპირულ წვიმიან ამინდში (სინოპტიკოსების პროგნოზით) ერთმანეთს ბოლნისის “სიონი” და თბილისის “დინამო” დაუპირისპირდებიან. “სიონში” ლიგა 2-დან გადმოსვლის შემდეგ, საქართველოს ჩემპიონატისთვის 3 ლეგენდარული კაპიტანი, ალექსანდრე კოშკაძე, გიორგი დათუნაიშვილი და ლევან ხმალაძე აღმოჩდნენ. 2 მათგანი, კოშკაძე და ხმალაძე “დინამოს” კაპიტნები გახლდათ და გუნდთან ერთად ბევრ ძალიან საინტერესო ეპიზოდში მიუღიათ მონაწილეობა. თორნიკე ზარქუა და გულვერდ თომაშვილი “დინამოს” გამორჩეული ფეხბურთელები იყვნენ და ზოგიერთი სუსტი წერტილის შესახებაც შეეძლოთ თეიმურაზ შალამბერიძისთვის ეცნოთ, მაგრამ ეს ის “დინამო” აღარაა, რომელშიც ისინი თამაშობდნენ. დღეს თბილისელები ყველაზე ახალგაზრდულ კლუბს წარმოადგენენ ლიგაში და მათი სტრატეგიის წინასწარი ცნობა, ერთ-ერთი ყველაზე რთული საქმიანობაა, განსაკუთრებით, კიტეს წასვლის შემდეგ. “დინამო” ფავორიტია, “სიონის” კაპიტნების ასაკი ჯამში 92 წელია…

საინტერესო: “დინამომ” წინა ტურში 93-ე  წუთზე “საბურთალო” 2-1 დაამარცხა და ჩემპიონატის ლიდერთან სხვაობა 5 ქულამდე შეამცირა (1-ით ნაკლები მატჩი).

სიონი: ზარქუა – თომაშვილი, ნოზაძე – ხმალაძე, დათუნაიშვილი, კოშკაძე

დინამო: სიკაჩი – თოთაძე, ხარაბაძე – შულაია, შენგელია – ზივზივაძე

 

საბურთალო VS ტორპედო – აკადემია VS ლეგიონერები

https://www.ipress.ge/image/data/sporti/erovnuliliga2.jpg

მიხეილ მესხი, 19:00 საათი, 23 სექტემბერი, კვირა –  ეროვნული ლიგის 25-ე ტურის ცენტრალური შეხვედრა – თუ ვინმეს წაყვანა ან დაპატიჟება სტადიონზე აუცილებლად 25-ე ტურის დროს გსურთ, ეს ის თამაშია, რომელსაც მიხეილ ცაგარელი ან ბიზნეს ან იურიდიული კონსულტანტი არა, ჩვენ, ქართული ფეხბურთის გულშემატკივრები გირჩევთ. “საბურთალოს” “დინამოსთან” მტკივნეული წაგების შემდეგ აუცილებლად მოგება სჭირდება, ხოლო, “ტორპედო” ევროპა ლიგიდან მძიმე დაბრუნების შემდეგ, კარგ ფორმაში შევიდა და მნიშვნელოვანი ქულები მოიპოვა. “საბურთალოში” ჭიაბრიშვილისგან გარკვეულ ცვლილებებს ველოდებით, ქუთაისელები ბოლო დროს ოპტიმალური შემადგენლობით გამოდიან და მათი დამმარცხებელი, ჯერ არ ჩანს. თამამად შეგვიძლია ვთქვათ, აკადემია ლეგიონერების წინააღმდეგ.

ლოკალური დაპირისპირება: კუპატაძე – კვასხვაძე

საბურთალო კუპატაძე – გაგი მარგველაშვილი, იაშვილი – გონსალვეში, გორგიაშვილი – კოხრეიძე

ტორპედო: კვასხვაძე – კობახიძე, ქიმაძე – გიგაური, კუხიანიძე – კაპანაძე

 

დილა VS რუსთავი – სოსიაშვილი სახლს უბრუნდება

წინა ტურში, “დილას” “სამტრედიას” მთავარი მწვრთნელი, გორელთა ყოფილი დამრიგებელი, გიორგი დარასელია შეერკინა, კვირას კი “დილას”, ისტორიაში, ასევე ერთ-ერთი გამორჩეული ფიგურა, უჩა სოსიაშვილი დაუპირისპირდება. სოსიაშვილის წასვლის შემდეგ დარასელიამ ბევრი რამ შეცვალა, თუმცა პირველი საწყისები, სწორედ უჩას ეკუთვნის და წლების წინ, 25 წლის თავკაცით აღფრთოვანებას ვერავინ ვერ მალავდა. ფავორიტად მასპინძლები გვევლინებიან, რომლებსაც ლიგაში საუკეთესო ლეგიონერები გამოარჩევთ. დღეს თუ საუკეთესო დუეტზე ვსაუბრობთ, ეს უდავოდ კოვტალიუკი-რიბეიროს წყვილია. “რუსთავს” კარგი მარცხენა მცველი, რაფაელ ჩუკურა ჰყავს და ალბათ, ჩემპიონატის ყველაზე კაშკაშა ამომავალი ვარსკვლავი, 17 წლის ხვიჩა კვარაცხელია. ბევრი რამ იქნება დამოკიდებული ამ ბიჭებზე. იმედია, “მადლობა დარას”-ს შემდეგ ვიხილავთ: “მადლობა უჩას”.

დილა: გუგეშაშვილი – ჩადუნელი, სუხიაშვილი – რიბეირო, ნონიკაშვილი – კოვტალიუკი

რუსთავი: სეფიაშვილი – გებულოვი, ჩუკურა  – პაპავა, ფონიავა – კვარაცხელია

 

ჩიხურა VS სამტრედია – იდეალური დრო დასავლეთისთვის

ტურს 24 სექტემბერს “ჩიხურასა” და “სამტრედიას” შეხვედრა დახურავს. “ჩიხურა” 4 მატჩია მარცხდება, რაც ასე მოულოდნელია ფრუიძის შეგირდებისგან, თუმცა ევროპა ლიგიდან დაბრუნების შემდეგ გუნდი ძალზე დაღლილად გამოიყურება. “ჩიხურა” ცოტას უშვებს, თუმცა “სამტრედიამ” ბოლო დროს გატანა დაიწყო და წინ ძალიან დაძაბული 90 წუთი გველოდება. დასავლეთი მძიმე ჯახისთვის ემზადება.

შენიშვნა: საჩხერლებს გიორგი ლექვთაძე დაუბრუნდა, სამტრედიელებს ეყოლება თუ არა ფანცულაია, უცნობია.

ჩიხურა: ჰამზიჩი – მირცხულავა, ჩიკვაიძე – კაკუბავა, ბუღრიძე – გაბედავა

სამტრედია: პოგორილი – ჩაჩუა, ჯგერანაია – ლიპარტია, ტუღუში – კოშმანი

ყველა შეხვედრის ყურებას Erovnuliliga.ge-ზე შეძლებთ. “საბურთალო” “ტორპედოს” პირდაპირ ტრანსლაციას “საზოგადოებრივი მაუწყებლის” მე-2 არხი აპირებს.

 

მსგავსი სიახლეები
ფეხბურთი

უეინ რუნის ბრწყინვალე გოლი MLS-ში (ვიდეო)

18 ოქტომბერს, ამერიკის MLS-ში “დისი იუნაიტედმა” საკუთარ მოედანზე “ტორონტო” მიიღო და მეტოქე უეინ რუნის გოლის […]...
წაკითხვა
ფეხბურთი

“მილანი” იანვარში ბრაზილიის ნაკრების ნახევარმცველს დაიმატებს

ბრაზილიური “ფლამენგოს” პრეზიდენტმა და გენერალურმა დირექტორმა ედუარდო ბანდეირა დე მელუმ დაადასტურა, რომ იანვრის სატრანსფერო პერიოდში [&hell...
წაკითხვა
ფეხბურთი

ვიდალი ღამის კლუბში მომხდარი ჩხუბის გამო დააჯარიმეს

მიუნხენის რაიონულმა სასამართლომ “ბარსელონას” ნახევარმცველი არტურო ვიდალი ღამის კლუბში მომხდარი ჩხუბის გამო 800 ათასი ევროთი […]...
წაკითხვა
ფეხბურთი

ბუფონი: “ოქროს ბურთს” ეს ფეხბურთელი იმსახურებს”

“პარი სენ-ჟერმენის” მეკარე ჯანლუიჯი ბუდონი თვლის, რომ წელს “ოქროს ბურთს” მისი თანაგუნდელი კილიან მბაპე იმსახურებს. […]...
წაკითხვა
ფეხბურთი

მარადონა მესის ბოდიშს მოუხდის

ლეგენდარული არგენტინელი ფეხბურთელი დიეგო არმანდო მარადონა “ბარსელონას” თავდამსხმელ ლიონელ მესის ბოდიშს მოუხდის. მარადონამ თქვა, რომ [&hell...
წაკითხვა
ფეხბურთი

ბუფონი: “დანი ალვეშთან ერთად შხაპს ვიღებდი და მან მითხრა, რომ…”

“პარი სენ-ჟერმენის” მეკარეს, ჯანლუიჯი ბუფონს იტალიის ნაკრებთან ერთად, 2006 წელს მოგებული მსოფლიო ჩემპიონატის მნიშვნელობაზე შეკითხვა [&hell...
წაკითხვა
რაგბი

თბილისი სპორტზე პასუხისმგებელ მინისტრთა ევროპის საბჭოს მინისტერიალს მასპინძლობს

თბილისი სპორტზე პასუხისმგებელ მინისტრთა ევროპის საბჭოს მინისტერიალს მასპინძლობს. კონფერენციაზე უმთავრესი ყურადღება დაეთმო ადამიანთა უფლებების დაცვას [...
წაკითხვა
ფეხბურთი

იმედგაცრუებული ნეიმარი “ბარსელონაში” დაბრუნებაზე ფიქრობს

“პარი სენ-ჟერმენის” ბრაზილიელი სუპერვარსკვლავი ნეიმარ ჟუნიორი საფრანგეთში თავს ბედნიერად ვერ გრძნობს. Mundo Deportivo-ს ცნობით, ეს [&helli...
წაკითხვა
ფეხბურთი

ვენგერი: “მუშაობას, ალბათ, პირველ იანვარს განვაახლებ”

ლონდონის “არსენალის” ყოფილი თავკაცი არსენ ვენგერი სამწვრთნელო საქმიანობის გაგრძელებას აპირებს. ფრანგი სპეციალისტი მუშაობის განახლებას პირვ...
წაკითხვა
ფეხბურთი

პირველად 40 წლის შემდეგ: საფეხბურთო მატჩს ასი ერაყელი ქალბატონი დაესწრო

ისლამური სახელმწიფოს მმართველებმა საკმაოდ მოულოდნელი ნაბიჯი გადადგეს, როდესაც ერაყისა და ბოლივიის საფეხბურთო ნაკრებებს შორის გამართულ […]...
წაკითხვა
ფეხბურთი

გერმანიის ნაკრების ისტორიული ანტირეკორდი

იოაჰიმ ლიოვის “გერმანული მანქანა” რომ წყობიდანაა გამოსული, ალბათ, უკვე ყველას სჯერა. 16 ოქტომბერს “ბუნდესნაკრები” მსოფლიოს [&h...
წაკითხვა
ფეხბურთი

ნაინგოლანი: “რომა” არაფერს მეუბნებოდა”

“ინტერის” ნახევარმცველი, რაჯა ნაინგოლანი აცხადებს, რომ “რომას” ხელმძღვანელები მის შესაძლო ტრანსფერებზე ისე მუშაობდნენ, რომ თავ...
წაკითხვა
ფეხბურთი

სერხიო რამოსი: “არაფერია სათქმელი”

მადრიდის “რეალისა” და ესპანეთის ნაკრების კაპიტანი, სერხიო რამოსი სოციალური ქსელის საშუალებით ესპანეთი-ინგლისის მატჩში მომხდარ ინციდენტს [&...
წაკითხვა
ფეხბურთი

ურუგვაული კლუბის სტადიონზე მარიხუანა იზრდება (ვიდეო)

ურუგვაული კლუბის “პენაროლის” სტადიონზე, კაპმეონ დელ სიგლოზე მარიხუანა იზრდება. სოციალურ ქსელში ვიდეო “პენაროლის” ერთ-ერთმა ფან...
წაკითხვა
ფეხბურთი

თანაგუნდელებმა ერთმანეთთან იჩხუბეს (ვიდეო)

15 ოქტომბერს, კოლუმბიის ჩემპიონატში “ატლეტიკო ნასიონალმა” საკუთარ მოედანზე “დეპორტივო კალი” მიიღო და ფრე 0:0 ითამაშა. [&hellip...
წაკითხვა