ეროვნული ლიგა: “ლოკომოტივმა” “დილას” ვერ მოუგო – გალიდერების შანსი “დინამოს”!

დღეს ეროვნული ლიგის მეშვიდე ტურის სადებიუტო მატჩი გაიმართა. მიხეილ მესხი 2-ზე ერთმანეთს გათამაშების ლიდერი “ლოკომოტივი” და გორის “დილა” დაუპირისპირდნენ.

შეხვედრა საკმაოდ დაძაბული გამოდგა. ანგარიში სტუმრებმა გახსნენს. უკვე მეოთხე წუთზე ლეანდრო რიბეირომ გამოიჩინა თავი. თუმცა, ჯერ მე-15 წუთზე გავაშელიშვილმა ანგარიში გაათანაბრა, ხოლო ზუსტად ერთ წუთში სიხარულიძემ საერთოდ წინ გაიყვანა “ლოკომოტივი.” ამ უკანასკნელმა, პირველი ტაიმის მიწურულს, 42-ე წუთზე მესამე გოლიც გაიტანა.

მეორე ნახევარში “დილა” გააქტიურდა, რამაც შედეგი გამოიღო: 67-ე წუთზე რიბეირომ თერთმეტმეტრიანი გამოიყენა და სხვაობა მინიმუმამდე შეამცირა. ხოლო, შეხვედრის მეოთხე დამატებით წუთზე ფლავიო ნუბიომ მესამე გოლიც გაიტანა და “დილას” ქულა გადაურჩინა.

საბოლოოდ, 3-3.

ამ ფრით “ლოკომოტივს” 14 ქულა დაუგროვდა და, ჯერჯერობით, ცხრილში პირველია. თუ ხვალ თბილისის “დინამომ” ქობულეთის “შუქურას” საკუთარ მოედანზე მოუგო, მაშინ სწორედ ეს გუნდი გადავა პირველ ადგილზე და გიორგი დევდარიანის შეგირდებს ერთი ქულით გაუსწრებს. “დილას” შვიდ მატჩში შვიდი ქულა აქვს და მეშვიდე ადგილზეა.

ფოტო: Fcloco.Ge