ერთა ლიგა 2018 წელს დაიწყება
უეფა-ს ხელმძღვანელებმა ახალი ტურნირის ერთა ლიგის ფორმატი დაამტკიცეს, რომელიც 2018 წლის სექტემბერს დაიწყება.
უეფა-ს 54 წევრი, რეიტინგის მიხედვით, ოთხ დივიზიონად დაიყოფა. А და B დივიზიონის გუნდებს ოთხ ჯგუფებად გაყოფენ, რომლებშიც სამ-სამი გუნდი ითამაშებს. С დივიზიონი ორ ჯგუფად გაიყოფა, ხოლო D დივიზიონი ოთხ ჯგუფად, რომელშიც ოთხ-ოთხი გუნდი ითამაშებს.
ყოველი დივიზიონის ოთხი გამარჯვებული კლასით აიმაღლებს ან ფინალურ ტურნირზე გავა, ხოლო ოთხი ყველაზე ცუდი გუნდი 2020 წლის ტურნირზე დაბალ დივიზიონში გადაინაცვლებს.
2019 წელს А ჯგუფის ოთხი გამარჯვებული პლეიოფის სისტემით ითამაშებს (ნახევარფინალი და ფინალი). ნაკრებები, რომლებიც ევროპის კვალიფიკაციაში პირველ და მეორე ადგილებს დაიკავებენ, 2020 წლის ევროპის ჩემპიონატის პირდაპირ საგზურს მიიღებენ. გარდა ამისა, ოთხი გუნდი ევროპის პირველობის საგზურს პლეიოფის მატჩებში გაითამაშებს.
