“ეს ჩემს კარიერაში არასოდეს მომხდარა” – ენდი მარი ბასილაშვილთან გამარჯვების შემდეგ
ბრიტანელმა ჩოგბურთელმა, ენდი მარიმ უიმბლდონის პირველ წრეში ნიკოლოზ ბასილაშვილთან გამარჯვების შემდეგ კომენტარი გააკეთა.
როგორც იცით, მარიმ ქართველი ჩოგბურთელი ოთხ სეტში (6:4, 6:3, 5:7, 6:3) დაამარცხა. მესამე სეტში მარი 5:0-ს იგებდა, თუმცა ბასილაშვილმა ყველაფერი შემოატრიალა.
“ვფიქრობ, იქამდე, სანამ მესამე სეტში ანგარიში 5-3 გახდებოდა, კარგად ვთამაშობდი. ამის შემდეგ… ეს ჩემს კარიერაში არასოდეს მომხდარა. სამი ბრეიქი, წინ კი კიდევ ორი სეტი იყო. თუმცა, როცა დიდი პერიოდი გაქვს გამოტოვებული, ასეთი რამ ხდება. შესაძლებელია, ძალიან მალე წააგო.
არ მგონია, ბევრი იყოს ისეთი მოთამაშე, რომელსაც შეუძლია, რომ ასეთი მესამე სეტის შემდეგ მეოთხეში გამარჯვება მოიპოვოს. მეტოქემ 5-0 შემოატრიალა, ამის შემდეგ ბევრი დანებდებოდა, მაგრამ მე ეს არ დამემართა. რა თქმა უნდა, ზეწოლა დიდი იყო, რადგან მაშინვე იწყებ ფიქრს იმ სათაურებზე, რომლებიც პრესაში დაიწერება. რომ წამეგო, კარიერაში ყველაზე ცუდი მარცხი იქნებოდა”, – განაცხადა მარიმ.
