ესპანეთის მთავრობის წარმომადგენელმა გვარდიოლა გააკრიტიკა

ესპანეთის სპორტის უმაღლესი საბჭოს ხელმძღვანელმა მიგელ კარდენალმა მიუნხენის “ბაიერნის” მთავარი მწვრთნელი ხოსეპ გვარდიოლა რამდენიმე დღის წინათ გაკეთებული განცხადების გამო გააკრიტიკა. გვარდიოლამ კატალონიის მოსახლეობას 27 სექტემბერს დაგეგმილ რეგიონულ არჩევნებში დამოუკიდებლობისთვის ხმის მიცემისკენ მოუწოდა.

“გვარდიოლასთან დაკავშირებული სიტუაცია კატალონიაში მიმდინარე ბევრ პროცესს განმარტავს. ეს მანიპულაციის ძალაა. გვარდიოლა ერთ-ერთი ყველაზე დიდი მანიპულატორია, ვინც კი ოდესმე მინახავს. არ ვიცი, შეგნებულად აკეთებს ამას თუ შეუგნებლად. მას სურს, რომ სხვებმაც ისე იფიქრონ, როგორც თვითონ ფიქრობს”, – კარდენალის კომენტარი DPA-მ გამოაქვეყნა.