ესპანეთის ნაკრებმა გერმანია უშანსოდ გაანადგურა (ვიდეო)

17 ნოემბერს ერთა ლიგის A დივიზიონის მეოთხე ჯგუფის გადამწყვეტი შეხვედრა შედგა ესპანეთისა და გერმანიის ნაკრებების მონაწილეობით. აღნიშნულ მატჩში პლეი-ოფის საგზურის მოსაპოვებლად მასპინძელ “ფურია როხას” მხოლოდ გამარჯვება სჭირდებოდა.

ერთი შეხედვით ესპანეთში დაძაბული მატჩი უნდა შემდგარიყო, თუმცა გერმანელებმა ნაცნობ მეტოქესთან პირწმინდად წააგეს – იოაჰიმ ლიოვის გუნდმა ხუთი უპასუხო გოლი გაუშვა, თანაც ისე, რომ კარში ერთხელაც არ დაურტყამს.

ანგარიში ალვარო მორატამ გახსნა შეხვედრის მე-17 წუთზე, რასაც ფერან ტორესის ჰეთ-ტრიკი დაემატა (33′, 55′, 71′), ერთხელ კი მანუელ ნოიერის კარი “მანჩესტერ სიტიში” მოთამაშე როდრიმ აიღო. ყველაფერს წერტილი მატჩის მიწურულს მიკელ ოიარსაბალის გოლმა დაუსვა.