ესპანეთის თასის მეოთხედფინალში “ბარსელონა” “ატლეტიკოსთან” დაწყვილდა

ესპანეთის სამეფო თასის მეოთხედფინალურ ეტაპზე “ბარსელონა” მადრიდის “ატლეტიკოს” შეხვდება. წუხელ კატალონიურმა გუნდმა “ელჩე” ორი მატჩის ჯამში ანგარიშით 9:0 დაამარცხა, “ატლეტიკომ” კი თანაქალაქელი “რეალის” ბარიერი დაძლია და მეტოქეს ორი მატჩის ჯამში ანგარიშით 4:2 აჯობა.

“ბარსელონასა” და “ატლეტიკოს” შორის გასამართი პირველი მატჩი 21 იანვარს, “ნოუ კამპზე” ჩატარდება, განმეორებითი კი – 28 იანვარს, “ვისენტე კალდერონზე”. ამ წყვილში გამარჯვებული გუნდი ტურნირის ნახევარფინალში “ვილიარეალსა” და “ხეტაფეს” შორის მოგებულ გუნდს შეხვდება.

ესპანეთის სამეფო თასის მეოთხედფინალურ ეტაპზე დანარჩენი გუნდები ასე დაწყვილდნენ:

“მალაგა” — “ბილბაო”
“ესპანიოლი” — “სევილია”
“ვილიარეალი” — “ხეტაფე”