ესპანურმა მედიამ პიკეს სიტყვებიც გაშიფრა – რა უთხრა მან ნაჩოს?

6 მაისს, ესპანეთის ჩემპიონატში კატალონიის “ბარსელონამ” საკუთარ მოედანზე “რეალი” მიიღო და ფრედ 2:2 ითამაშა.

მეორე ნახევრის წინ, გვირაბში პიკემ ნაჩოს რაღაც უთხრა, რამაც “რეალის” მცველი გააღიზიანა. იმის გამო, რომ პიკე საუბრის დროს პირზე ხელს იფარებდა, მისი სიტყვების გაშიფვრა ესპანურ მედიას გაუჭირდა, თუმცა 7 მაისს, “მარკამ” პიკეს მიერ ნათქვამი სიტყვები მაინც გააჟღერა.

შეგახსენებთ, რომ პირველი ტაიმის მიწურულს არბიტრმა მოედნიდან სერხი რობერტო გააძევა.

პიკე: “შენც იცი, რომ მსაჯების ასეთი სულელური გადაწყვეტილებების მიუხედავად, ლა ლიგის მოგება მაინც შევძელით.”
ნაჩო: “ამაზე როგორ კამათობ, როცა ჩვენ ასეთი რამ 17-ჯერ გაგვიკეთეს?”

Nacho after Pique whispered in his ear: "How can you even complain!?" pic.twitter.com/TzM1r41Thp

— M•A•J (@Ultra_Suristic) May 6, 2018