ესტონეთი – საქართველო: მატჩს ლიეტუველი მსაჯები მოემსახურებიან

5 სექტემებრს, ტალინში, უეფას ერთა ლიგის ეგიდით ესტონეთის ნაკრები საქართველოს ეროვნულ გუნდს მიიღებს. მატჩს ლიეტუველი მსაჯები მოემსახურებიან. მთავარი არბიტრი 32 წლის დონატას რუმშასი იქნება, რომელსაც ალექსანდრ რადიუსი და დოვიდას სუჟიედელისი დაეხმარებიან, მეოთხე მსაჯად მანფრედას ლუკიანჩუკასი იმუშავებს.

აღსანიშნავია, რომ დონატას რუმშასმა 2018 წლის ნოემბერში, თბილისში, 19 წლამდე ევროპის ჩემპიონატის საკვალიფიკაციო ეტაპზე საქართველოსა და აზერბაიჯანის ნაკრებებს შორის გამართული მატჩი (1:2) განსაჯა. მას საერთაშორისო დონის მსაჯის სტატუსი 2016 წელს მიენიჭა.

ესტონეთისა და საქართველოს ნაკრებებს შორის შეხვედრა 5 სექტემბერს, თბილისის დროით 20:00 საათზე დაიწყება და მატჩის პირდაპირ ტრანსლაციას საქართველოს პირველი არხი შემოგთავაზებთ.