ესტონეთში 16 წლის ფეხბურთელი 13 წამში შეცვალეს

თარიღი: სექტემბერი 23, 2020

20 სექტემბერს, ესტონეთის ჩემპიონატში “ლევადიამ” საკუთარ მოედანზე “ნიმე კალიუ” მიიღო და ანგარიშით 2:1 გაიმარჯვა.

მატჩის საწყის წამებშივე მოულოდნელი რამ მოხდა. პირველივე პაუზის დროს, მე-13 წამზე სტუმართა გუნდში ცვლილება მოხდა. მოედანი 16 წლის ლაური სუპმა დატოვა და თამაშში უკრაინელი ვლადისლავ ხომუტოვი ჩაერთო.

ესტონეთის ჩემპიონატში არსებობს წესი, რომლის თანახმადაც ყველა გუნდი ვალდებულია სასტარტო შემადგენლობაში ორი ისეთი ფეხბურთელი ჰყავდეს, რომელიც მისი აღზრდილია. 16 წლის სუპიც ამ ორ ფეხბურთელს შორის იყო, თუმცა მწვრთნელს სასტარტო თერთმეტეულში სხვა მოთამაშის ხილვა სურდა.



მსგავსი სიახლეები