#შაბათის ევროტური: ბასკური კოშმარები “ბარსას” კვლავ არ ასვენებს, ჰიდინკმა კი როგორც იქნა წააგო

თარიღი: აპრილი 10, 2016

შაბათი, 2016 წლის 9 აპრილი: დღე, როდესაც “ვესტ ჰემმა” და “არსენალმა” ქულები გაიყვეს, რანიერი კი გახარებულია.

ინგლისი. ქალაქელები ბრძოლას კვლავ განაგრძობენ

“ქალაქელებმა” შინ “ვესტ ბრომვიჩი” მიიღეს, რომელიც პირველ მატჩში ადვილად, 0-3 დაამარცხეს გასვლაზე. თუმცა “ეტიჰადზე” მოვლენები სხვაგვარად წარიმართა: მეექვსე წუთზე სტეფან სესენიონმა შესანიშნავი გოლი გაუტანა ჰარტს, თანაც ახლო კუთხეში – ასეთი რამ იბრამაც ვერ გააკეთა ოთხშაბათს. გოლის მომენტში კოლაროვმა იმდენად ინერტულად ითამაშა, რომ პეპმა მაშინვე გადაურეკა შეიხებს და მისი რომელიმე ჩემფიონშიპის გუნდში გაყიდვა მოსთხოვა.

თუმცა, სერბმა მცველმა 10 წუთში ისეთი შეუსრულა “ვესტ ბრომვიჩს”, რომ გვარდიოლამ თავში ხელი ირტყა – ეს რა ვქენიო. საუბარია კოლაროვის ბრწყინვალე გარღვევაზე, რომლის შედეგადაც მასპინძლებმა პენალტი მოიპოვეს. პენალტი აგუერომ გოლად გარდასახა. მატჩი კი 66′-ე წუთზე დასრულდა, როცა აგუეროსა და ნასრის აქტიურობას მომდევნო გოლი მოჰყვა.

მაილი საირუსის მსგავსად მელირებულმა თმებმა შედეგი გამოიღო: დააბნია მეტოქე გუნდის ფეხბურთელები, რამაც საბოლოოდ ნასრი მატჩის საუკეთესო ფეხბურთელი გახადა.

და კიდევ: • გუნდმა, რომელიც ინგლისის ჩემპიონობაზე აცხადებს პრეტენზიას, ლიდის ზედიზედ ორი მატჩი პირველად მოიგო ოქტომბრის შემდეგ.

ინგლისი. გუსის მოსვლის შემდეგ, “არისტოკრატებმა” ლიგაში პირველად იწვნიეს მარცხი

როგორც ჩანს, “ჩელსი” მომავალ სეზონს ევროპული ტურნირების გარეშე გაატარებს. მართალია, რომ ჰიდინკის ხელში “არისტოკრატები” არც თუ ისე ცუდად გამოიყურებიან, თუმცა არის ჩავარდნებიც. ისეთი, როგორიც შაბათს იყო. გუს ჰიდინკის მოსვლიდან გუნდს პრემიერ ლიგაში არცერთი მატჩი არ ჰქონდა წაგებული, თუმცა ზღაპარი დასრულდა: გვიდოლინის “სუონსი” გახდა პირველი გუნდი, რომელმაც ჩემპიონატში “ჩელსი” დაამარცხა. მატჩის ერთადერთი გოლი კი მონტეროს მიერ იქნა ორგანიზებული, სიგურდსონის მიერ კი შესრულებული.

საბოლოო ჯამში გუნდი ყველა ტურნირიდან გამოვარდა და ყველანაირი შანსი დაკარგა წარმატებისა. ეს ყველაფერი კი “მელიების” თავკაცს, კლაუდიო რანიერის ძალიან ახარებს, რამეთუ ჩემპიონატის მიწურულს მის კლუბს უმოტივაციო ლონდონელებთან მოუწევთ დაპირისპირება.

ინგლისი. “ვესტ ჰემისა” და “არსენალის” მატჩში გამარჯვება მხოლოდ ნეიტრალურ მაყურებლებს დარჩათ

შაბათის ყველაზე გამორჩეული მატჩი. არსენ ვენგერის გუნდი 0:2-ს უგებდა “ჩაქუჩებს” (იოზილისა და სანჩესის გოლების წყალობით), თუმცა 44-ე წუთზე ნამდვილი შოუ დაიწყო, რომლის მთავარი გმირიც ენდი ქეროლი გახლდათ.

44-ე წუთზე ქეროლმა კრესუელის პასი გამოიყენა, 46-ე წუთზე კი პაიეს დაუფასა შრომა. ასე რომ პირველი ტაიმის ბოლოს ანგარიში 2-2 იყო. მატჩის მეორე ნახევრის დაწყებისთანავე “ჩაქუჩებმა” “მეთოფეთა” კარისკენ გაიწიეს. ანტონიოს დარტყმის შემდეგ ბურთი ძელს მოხვდა, რის შემდეგაც ქეროლთან მივიდა, ამ უკანასკნელმა კი დიდი სიამოვნებით გაიფორმა ჰეთ-ტრიკი.

მართალია “არსენალმა” (კერძოდ კი კოშელნიმ) გაათანაბრა, თუმცა სიტუაცია მაინც მძიმზე: “ლესტერთან” ჩამორჩენა უკვე 10 ქულაა. სამაგიეროდ ქეროლის საქმეები ბრწყინვალედ მიდის – მედია უკვე ალაპარაკდა მის ევრო-2016-ზე მოხვედრის შანსებზე.

და კიდევ:

• ქეროლმა 10-ჯერ დაარტყა კარის მიმართულებით – წლევანდელი სეზონის რეკორდი. მათი ნახევარი კი კარში წავიდა.

და კიდევ, ინგლისში:

• ალან პარდიუს “კრისტალმა” 2016 წლის პირველი გამარჯვება მოიპოვა – პარდიუს შეგირდებმა “ნორვიჩს” აჯობეს (1-0).

ესპანეთი. “ბარსელონამ” “ატლეტიკოსთან” მატჩამდე კარგად დაისვენა

და წააგო “სოსიედადთან”, “სოსიედადის” სტადიონზე ზედიზედ მეოთხეჯერ. ერთადერთი გოლი მიკელ ოიარსაბარმა და ხავი პრიეტომ შექმნეს მატჩის დაწყებისთანავე. დარჩენილი დრო კი “ბარსელონა” ცდილობდა, ცდილობდა თუმცა ამაოდ.

იქნებ მასპინძლებს უბრალოდ გაუმართლათ?

ბურთის ფლობის მხრივ, “ბლაუგრანა” უდიდეს უპირატესობას ფლობდა: 72% 28%-ის წინააღმდეგ. პასების სიზუსტის მხრივაც: 86% 62%-ის წინააღმდეგ. კატალონიელებმა კუთხურიც მეტი ჩამოაწოდეს: 9, 5-ის წინააღმდეგ. კარშიც მეტჯერ დაარტყეს – 13-ჯერ, მასპინძლებმა – 5-ჯერ. მოკლედ რომ ვთქვათ, ეს “ბარსას” ტიპიური მარცხი იყო.

და კიდევ ესპანეთში:

• “რეალმა” შინ “ეიბარი” გაანადგურა (4:0). ხამესმა შესანიშნავი ჯარიმა გაიტანა. გაიტანა რონალდომაც, მართალია ცარიელ კარში, თუმცა ლამაზად. გაიტანეს ვასკესმა და ხესემაც. რაც მთავარია, “ბლანკოსი” 4 ქულით დაუახლოვდა “ბარსას”, თუმცა ძნელი დასაჯერებელია, რომ “ბლაუგრანას” კიდევ ორჯერ დაუცდება ფეხი.

• მესიმ 7-ჯერ დაარტყა მეტოქის კარის მიმართულებით, თუმცა მე-500-ე გოლი კვლავ არ ჩანს.

• “ატლეტიკოს” ჩამორჩენა “ბარსასთან” კი მხოლოდ 3 ქულაა. შაბათს მადრიდელები ამ კვირაში მეორეჯერ ეწვივნენ კატალონიას, თუმცა ამჟამად “ესპანიოლთან” სათამაშოდ. მასპინძლებმა ანგარიში პირველებმა გახსნეს, თუმცა სიმეონეს გუნდმა ტორესის, გრიზმანისა და კოკეს გოლებით უპასუხეს. 1-3.

გერმანია. “ბავარიას” გაუჭირდა

პეპის მდგომარეობა რთულია: ერთი მხრივ “სიტიზე” ფიქრობს, მეორ მხრივ კი “ბაიერნზე”. ფიქრობს ჩემპიონთა ლიგაზეც . თუმცა როგორც ჩანს, ბუნდესლიგაზე ფიქრს ვერ ახერხებს. რიბერისა და ალბას მიერ გატანილი გოლების შემდეგ, “ბაიერნი” “შტუტგარდთან” მატჩში მოეშვა და ძალების დაზოგვა სცადა.

მატჩში ინტრიგა დიდავიმ შემოიტანა, რომელმაც ნოიერის კარის აღება მოახერხა. “რეკორდმაისტერმა” და “შტუტგარდმა” კარგა ხანი იწვალეს, თუმცა საბოლოოდ გამარჯვება მაინც ბავარიელებს დარჩათ – მატჩის მიწურულს დუგლას კოშტამაც გაიტანა. 1-3.

იტალია. “იუვე” “მილანს” კვლავ უგებს

სინიშა მიჰაილოვიჩის გუნდი, რომელიც ასე თუ ისე კარგ ფორმაშია, “იუვეს” დაუპირისპირდა. 4-4-2 სქემაში სინიშამ ბალოტელისთვისაც გამოძებნა ადგილი, რომელსაც ბაკა ეხმარებოდა. თავიდან ყველაფერი მილანელთა სასარგებლოდ დაიწყო, მე-18 წუთზე ანგარიში სანდროს გოლის წყალობით 1-0 იყო.

თუმცა “ბებერ ქალბატონს” დანებება არ სჩვევია. ტურინელებმა მანჯუკიჩისა და პოლ პოგბას გოლების წყალობით კვლავ მოახერხეს “როსონერის” დაჯაბნა.

და კიდევ, იტალიაში:

• “ინტერმა” გასვლაზე “ფორზინონე” დაამარცხა. გოლი გაიტანა იკარდიმ, რომლისთვისაც ეს მე-100-ე მატჩში 50-ე გოლი გამოდგა. მანჩინი მეოთხეზეა და ჩემპიონთა ლიგის საგზურამდე 8 ქულა აშორებს.

მსგავსი სიახლეები
ფეხბურთი

“იუვენტუსს” სერია B-ში დაქვეითება და ტიტულების ჩამორთმევა ემუქრება

მომხმარებელთა უფლებების დაცვის იტალიური ასოციაცია [CODACONS] “იუვენტუსს” სერია B-ში დაქვეითებითა და ტიტულების ჩამორთმევით ემუქრება. ამის [...
წაკითხვა
ფეხბურთი

რაიოლა “ბარსელონასგან” 40 მილიონს ითხოვს, ჰოლანდის მამა – 20 მილიონს

კატალონიის “ბარსელონას” ხელმძღვანელები დორტმუნდის “ბორუსიას” ვარსკვლავის ტრანსფერზე მუშაობას წყვეტენ. ამის მიზეზად მაღალი საკო...
წაკითხვა
ფეხბურთი

კასილასი მესის მეშვიდე ოქროს ბურთს ნეგატიურად გამოეხმაურა

29 ნოემბერს ლეო მესიმ კარიერაში მეშვიდე ოქროს ბურთი მოიგო. ამასთან დაკავშირებით კომენტარი მადრიდის “რეალის” ლეგენდარულმა […]...
წაკითხვა
ფეხბურთი

მბაპე: “ჩემი მიზანი ერთი ან რამდენიმე ოქროს ბურთის მოგებაა”

“პარი სენ-ჟერმენისა” და საფრანგეთის საფეხბურთო ნაკრების სუპერვარსკვლავმა, კილიან მბაპემ, სამომავლო მიზნებზე ისაუბრა. მბაპე გუშინ ოქროს [&h...
წაკითხვა
ფეხბურთი

ლევანდოვსკიმ ოქროს ბურთის ცერემონიალის შემდეგ წერილი გამოაქვეყნა

29 ნოემბერს პარიზში ოქროს ბურთის 2021 წლის გამარჯვებულად ლეო მესი დასახელდა. რობერტ ლევანდოვსკიმ, რომელმაც რეიტინგში […]...
წაკითხვა
ფეხბურთი

კახა ცხადაძე 7 ფეხბურთელს ემშვიდობება

ეროვნული ლიგის გავარდნილ “სამტრედიასთან” “დინამო თბილისმა” 0-0 ითამაშა და მატჩის შემდეგ მთავარი მწვრთნელი კახა ცხადაძე [&helli...
წაკითხვა
ფეხბურთი

მესიმ ლევანდოვსკის მიმართა: “ეს ყველამ იცის და ჩვენ ვთანხმდებით…”

29 ნოემბერს, “პარი სენ-ჟერმენის” ფეხბურთელმა ლიონელ მესიმ კარიერაში მე-7 ოქროს ბურთი მოიგო. საკუთარი ჯილდოს მიღების […]...
წაკითხვა
ფეხბურთი

კიეზასთვის მიუნხენის “ბაიერნიც” იბრძოლებს

ტურინის “იუვენტუსის” რიგებში მოთამაშე ფედერიკო კიეზა, დიდი ალბათობით, იტალიის ფარგლებს ზაფხულის სატრანსფერო ფანჯარაზე გასცდდება. კიეზას [&...
წაკითხვა
ფეხბურთი

ნეიმარისთვის 2021 წელი დასრულებულია, ბრაზილიელი ოპტიმიზმს ინარჩუნებს

“პარი სენ-ჟერმენმა” გასვლაზე “სენტ-ეტიენის” დამარცხება შეძლო (1-3). ამ მატჩში სერხიო რამოსის დებიუტი შედგა, მესიმ საგოლე [&hel...
წაკითხვა
ფეხბურთი

ვილი სანიოლმა ბათუმის “დინამოს” ჩემპიონობა მიულოცა

ისტორიაში პირველად ბათუმის “დინამო” საქართველოს ჩემპიონია! კრისტალბეთ ეროვნული ლიგის 35-ე ტურში თბილისის “დინამომ” გასვლით შეხ...
წაკითხვა
ფეხბურთი

მოურინიო: “მირჩევნია, 1:0 მოვიგო, ვიდრე – 5:0”

“რომამ” იტალიის ჩემპიონატის მე-14 ტურში “ტორინო” საშინაო არენაზე მინიმალური ანგარიშით დაამარცხა. მატჩის შემდეგ ჟოზე მოურინიომ ...
წაკითხვა
ფეხბურთი

ბენზემამ ტიერი ანრის რეკორდი დაამხო

ლა ლიგის მე-15 ტურში მადრიდის “რეალმა” საკუთარ კედლებში მნიშვნელოვანი გამარჯვება მოიპოვა “სევილიასთან” (2:1). შესაბამისად, კარ...
წაკითხვა
ფეხბურთი

რამოსი: “მესი ოქროს ბურთის ფავორიტია, მას წარმატებას ვუსურვებ”

“პარი სენ-ჟერმენის” მცველმა სერხიო რამოსმა ლიონელ მესის შესახებ კომენტარი გააკეთა და განაცხადა, რომ მისი თანაგუნდელი […]...
წაკითხვა
ფეხბურთი

სერხიო რამოსის სადებიუტო მატჩი “პარი სენ-ჟერმენში” (ვიდეო)

სერხიო რამოსმა ტრავმისაგან გამოწვეული ექსთვიანი პაუზის შემდეგ პირველად ითამაშა. ესპანელმა მცველმა “პარი სენ-ჟერმენში” სადებიუტო მატჩი [&he...
წაკითხვა