ევრამ რონალდუს რჩევა მისცა
ვეტერანმა ფეხბურთელმა, პატრის ევრამ ყოფილ თანაგუნდელს, კრიშტიანო რონალდუს რჩევა მისცა.
როგორც იცით, რონალდუს “იუვენტუსთან” ხშირად აკავშირებენ. დიდი შანსია, მიმდინარე ზაფხულში პორტუგალიელი სერია A-ში ვიხილოთ. ევრამ ამ საკითხთან დაკავშირებით სოციალურ ქსელში პირდაპირი ჩართვის დროს ისაუბრა.
“ყველა მეკითხება, რას ვფიქრობ ამ საკითზე. მე რონალდუსთან ამ თემასთან დაკავშირებით არ მისაუბრია, მაგრამ ჩემი რჩევა ასეთია – თუ მას კიდევ დიდი ხნით თამაში სურს, მაშინ ის “იუვეში” უნდა წავიდეს. მე “იუვენტუსის” მადლობელი ვარ, რადგან “მანჩესტერ იუნაიტედიდან” წამოსვლის შემდეგ ტიტულების მოგების საშუალება მომეცა. ეს კლუბი ყოველთვის ჩემს გულში იქნება.
ამიტომ, კრიშტიანო, ამას გეტყვი: სწორი გადაწყვეტილება მიიღე. შენ იცი, რამდენ იტალიელს უყვარხარ. თუ “იუვეში” გადახვალ, ბევრი შრომა მოგიწევს”, – ციტირებს ევრას სიტყვებს Football Italia.
