ევრამ შესაძლოა, ლიგა 1-ში გააგრძელოს ასპარეზობა

მიმდინარე სატრანსფერო ფანჯრის დროს ბევრი დაიწერა ტურინის “იუვენტუსის” მარცხენა მცველის, პატრის ევრას გუნდიდან წასვლის შესახებ.

RMC Sport-ი იტყობინება, რომ ფრანგი ფეხბურთელის შეძენით სერიოზულადაა დაინტერესებული მარსელის “ოლიმპიკი”. 35 წლის ფეხბურთელს ახალნდელი კონტრაქტი გუნდთან 2017 წლის ზაფხულამდე აკავშირებს, თუმცა ტურინელები მზად არიან, ორმხრივი შეთანხმების საფუძველზე ფრანგი თავისუფალი აგენტის სტატუსით გაუშვან საკუთარ ქვეყანაში.

აქვე გეტყვით, რომ “ოლიმპიკი” პატრისს წელიწად-ნახევრიან კონტრაქტს სთავაზობს.

ერთი სიტყვით, ევრას თანხმობის გარდა, ტრანსფერს წინ აღარაფერი უდგას.