Fanebi.Com-ის მსოფლიოს ჩემპიონატის გვერდი
2014 წლის მსოფლიოს ჩემპიონატი სტარტს იღებს. იხსნება მსოფლიო ფეხბურთის მთავარი ფორუმი და ამისთვის ყველა ემზადება – გუნდები, გულშემატკივრები, მსაჯები, ჟურნალისტები, ქალი თუ კაცი, დიდი თუ პატარა, მსუქანი თუ ტანწვრილი.
მსოფლიოს ჩემპიონატის საგანგებო რეჟიმში გასაშუქებლად ემზადება სპორტული ინტერნეტ-პორტალი Fanebi.com-იც, რომელიც ბრაზილიის მუნდიალს სპეციალური პროექტით ხვდება. მომზადდა მსოფლიოს ჩემპიონატის გვერდი, რომლის დახმარებითაც ჩვენი პორტალის სტუმრები ტურნირის სიახლეებს, ანგარიშებს, სატურნირო ცხრილებს, ბომბარდირთა დავას და სხვა დეტალებს უფრო მოსახერხებელ რეჟიმში გაეცნობიან. ახალი გვერდი მსოფლიოს ჩემპიონატზეა კონცენტრირებული, რომლის დახმარებითაც მკითხველს სასურველი ინფორმაციის მოპოვება უფრო სწრაფად, იოლად და მოხერხებულად შეეძლება, თუმცა ამავე გვერდის მეშვეობით შეგეძლებათ სატრანსფერო სიახლეების გაცნობაც — fanebi.com/worldcup.
აქვე გაცნობებთ, რომ მსოფლიოს ჩემპიონატთან დაკავშირებით Fanebi.com-ზე განახლებული საკონკურსო პროექტები დაბრუნდება, რის მოთხოვნილებასაც მომხმარებლისგან ყოველდღიურად ვგრძნობთ.
Fanebi.com-ის გუნდი მუშაობს იმისთვის, რომ ტრადიციულად ყველაზე ოპერატიულ რეჟიმში მოგაწოდოთ ყველა ის მნიშვნელოვანი ინფორმაცია, რომელიც მოედანზე თუ მის მიღმა ხდება.
წინ ცხელი ზაფხული გველის, თქვენ კი უკვე იცით, რომ არჩევანი Fanebi.com-ზე უნდა გააკეთოთ, რადგან ჩვენთან უკეთესია!
