„გაბალას“ ლეგიონერმა „დინამოსთან“ მატჩის შესახებ ისაუბრა

აზერბაიჯანული „გაბალას“ ესტონელმა ახალწვეულმა სერგეი ზენევმა თბილისის „დინამოსთან“ უეფა-ს ევროპის ლიგის პირველი საკვალიფიკაციო ეტაპის მატჩის შესახებ ისაუბრა.

„ეს ჩვენი პირველი ოფიციალური მატჩი იქნება. მნიშვნელოვანია, სახლში გამარჯვებულები დავბრუნდეთ. ვიცნობ თუ არა „დინამოს“? მხოლოდ ის ვიცი, რაც მწვრთნელმა გვითხრა. ეს დიდი კლუბია და მასთან თამაში გაგვიჭირდება. „კარპატში“ თამაშის პერიოდში ჩემს თანაგუნდელებს შორის მურთაზ დაუშვილი და ალექსანდრე გურული იყვნენ. სიმართლე რომ გითხრათ, მათთან „დინამოს“ შესახებ არ მისაუბრია.

გვაწყობს თუ არა თბილისში ფრე? „გაბალა“ მხოლოდ გამარჯვებაზე ფიქრობს. მთავარია, მწვრთნელის მითითებები შევასრულოთ და ვაჩვენოთ, რომ გუნდმა ვარჯიშებზე ნაყოფიერად იმუშავა“, – განაცხადა ზენევმა.

„გაბალას“ თავკაცი: „ანგარიშით 5:0 მოგება გვსურს“