გაბლ სტივსონი: “გენო პეტრიაშვილი კედლებს მუშტებს ურტყამდა და ყვიროდა”
აშშ-ის თავისუფალი ჭიდაობის ნაკრების წევრმა, გაბლ სტივსონმა ოლიმპიური თამაშების ფინალზე რამდენიმე გადაცემაში კომენტარი გააკეთა.
21 წლის მოჭიდავემ Pardon My Take-თან ინტერვიუში ისაუბრა იმაზე, თუ რა ხდებოდა ფინალის დასრულების შემდეგ:
“გენო პეტრიაშვილი ძალიან გულგატეხილი იყო, გასახდელში ყველაფერს ისროდა, კედლებს მუშტებს ურტყამდა და ყვიროდა. თუმცა, ჭიდაობა ასეთი სპორტია. ის მთელი ცხოვრების მანძილზე შრომობდა იმისათვის, რომ ოლიმპიური თამაშები მოეგო, მეც ამისთვის ვშრომობდი. არ მინდოდა, რომ წამეგო”, – განაცხადა ახალგაზრდა სპორტსმენმა.
სტივსონმა MMAFighting-თან თქვა, რომ ტოკიოში ის მხოლოდ ოქროს მედლისთვის იყო ჩასული: “ტოკიოში სამი კვირა იმისთვის გავატარე, რომ ოქროს მედალი მომეპოვებინა და არა ვერცხლის.”
შეგახსენებთ, რომ გენომ სტივსონთან ფინალური ორთაბრძოლა ბოლო წამებზე დათმო და ვერცხლის მედალს დაეუფლა.
