გადაღლილობა: სჭირდება ნეიმარს დასვენება?

2010 წლის შემდეგ, როცა ბრაზილიის ეროვნული ნაკრების ამჟამინდელმა თავკაცმა, დუნგამ გადაწყვიტა, რომ ის სამხრეთ აფრიკაში გამართულ მუნდიალზე არ წაიყვანა, ის ნაკრებიდან არ გაუთავისუფლებიათ.

დაახლოებით ნახევარი ათწლეულის მანძილზე, “ბარსელონას” ბრაზილიელ ფორვარდს ფეხბურთში ყველაზე დიდი ტვირთის ტარება უწევს მხრებით. ამ მომენტისთვის, სწორედ ის წარმოადგენს იმ ადამიანთა იმედს, რომელთაც ფეხბურთი ყველაზე მეტად უყვარს – იმ ადამიანთა რიცხვი კი, რომლებიც მისან მხოლოდ მოგებას ითხოვენ 200 მილიონს აჭარბებს.

“როდესაც კარიერაში დიდ ნაბიჯს დგამ, პასუხისმგებლობა დიდწილად იზრდება. ნეიმარი ამისთვის სრულად მომზადებულია.” – ასეთი განცხადება გააკეთა ზიკომ ერთი თვის წინ მიცემულ ინტერვიუში.

ნეიმარის სტატისტიკა "სანტოსში" ყოფნისას pic.twitter.com/v1b2iaaiUg

— Jakob Kapanadze (@BlaCK80766679) April 19, 2016

ბრაზილიელ ფეხბურთელის კარიერა საკმაოდ დატვირთულია. ნეიმარი პირველად 2009 წელს გამოჩნდა, როცა 17 წლის ბრაზილიელმა “სანტოსში” გადაწყვიტა გადაბარგება, სადაც ის სულ ცოტა ხანში გუნდის ლიდერად და ვარსკვლავად ჩამოყალიბდა.

ასე რომ, დატვირთულ ცხოვრებას ნეიმარი თავიდანვე მიეჩვია – როგორც იცით, ბრაზილიაში ფეხბურთი მთელი წლის განმავლობაში გრძელდება, ამასთანავე მიმდინარეობს საკმაოდ დიდ დროში გაწერილი კოპა ლიბერტადოსი და მსოფლიო საკლუბო ჩემპიონატი.

4 წლის შემდეგ, ნეიმარმა “ბარსელონას” ყურადღებაც მიიქცია. ამ დროისთვის მას 230 მატჩი ჰქონდა ჩატარებული “სანტოსის” რიგებში, 39 – ბრაზილიის ნაკრებში.

ნეიმარის სტატისტიკა 2015/16 წლების სეზონში pic.twitter.com/D3G7pXY10T

— Jakob Kapanadze (@BlaCK80766679) April 19, 2016

კატალონიაში მოსვლის შემდეგ, ნეიმარის დღის განრიგი კიდევ უფრო გადაიტვირთა, მეტი ტურნირი, მეტი პასუხისმგებლობა. მიმდინარე სეზონში ნეიმარმა 42-ჯერ მოირგო “ბარსას” მაისური და მხოლოდ ერთხელ იქნა შეცვლილი – “მალაგასთან”, მატჩის დასასრულამდე 3 წუთით ადრე, აგვისტოში.

ამასთანავე, უკვე მეხუთე წელია, რაც ის საზაფხულო არდადეგებს ვერ იყენებს – 2011 წლის კოპა ამერიკა, 2012 წლის ოლიმპიადა, 2013 წლის კონფედერაციის თასი, 2014 წლის მუნდიალი და 2015 წლის კოპა ამერიკა.

ნეიმარი დასვენებას იმსახურებს, თუმცა ამაზე თავად მან განაცხადა უარი: “24 წლის ვარ, ეს უპირატესობა უნდა გამოვიყენო. უნდა გავაკეთო ის, რასაც მომავალში ვერ შევძლებ.”