გადაწყდა — დიბალა “იუვენტუსს” ტოვებს
ტურინის “იუვენტუსის” თავდამსხმელი პაულო დიბალა მიმდინარე სეზონის ბოლოს გუნდს დატოვებს.
დღეს 28 წლის ფეხბურთელის აგენტი ხორხე ანტუნი კლუბის წარმომადგენლებს შეხვდა. შეხვედრა ორ საათზე მეტხანს გაგრძელდა. “იუვენტუსმა” დიბალას სეზონში ხელფასის სახით 6-7 მილიონი ევრო შესთავაზა. არადა, გასული წლის ოქტომბერში ფეხბურთელს “ბებერი სინიორასგან” გაცილებით ხელსაყრელი პირობები ჰქონდა: კონტრაქტი – 2026 წლამდე და ხელფასი – რვა მილიონი ევრო, რასაც ბონუსების სახით კიდევ ორი მილიონი დაემატებოდა. საბოლოოდ, მხარეები კონტრაქტის გახანგრძლივების თაობაზე ვერ შეთანხმდნენ. შესაბამისად, დიბალა მიმდინარე სეზონის დასრულების შემდეგ “ბებერი სინიორას” რიგებს თავისუფალი აგენტის სტატუსით დატოვებს. მისი დამატებით სერიოზულად არის დაინტერესებული მეორე იტალიური გრანდი “ინტერი”.
“იუვენტუსმა” უკვე დაიწყო პაულო დიბალას შემცვლელის ძებნა. გავრცელებული ინფორმაციით, ტურინელებს “რომას” ნახევარმცველ ნიკოლო ძანიოლოს დამატება აქვთ მოწადინებული.
