“გაგრა” საქართველოს თასის გამარჯვებულია

საქართველოს თასის ფინალში “გაგრამ” წყალტუბოს “სამგურალი” პენალტების სერიაში 5-3 დაამარცხა და საქართველოს თასს ისტორიაში მეორედ დაეუფლა.

120 წუთის განმავლობაში გუნდებმა გოლის გატანა ვერ მოახერხეს. 55-ე წუთზე “სამგურალის” ფეხბურთელი თედო კიკაბიძე გააძევეს, მაგრამ “გაგრამ” რიცხობრივი უპირატესობის გამოყენება ვერ შეძლო. “სამგურალის” მწვრთნელმა უჩა სოსიაშვილმა მხოლოდ 1 ცვლილება განახორციელა, როცა სანაცვლოდ გაგა კირკიტაძემ 4 მოთამაშე შეცვალა.

პენალტების სერიაში ფეხბურთელებმა პენალტები უზადოდ შეასრულეს, ისიფ ტურეს გარდა, რომელმაც ააცილა და “გაგრა” საქართველოს თასის გამარჯვებული გახდა.

“გაგრა” საქართველოს სახელით ევროტურნირებზე ითამაშებს, ევროპა ლიგის ნაცვლად მომავალ წელს კონფერენციის ლიგა გველოდება და საქართველოდან მე-4 გუნდი სწორედ “გაგრა” იქნება.