გამარჯვებულები თბილისში დაბრუნდნენ
დღეს კახი გოგიჩაიშვილი თავის გუნდთან და გამარჯვებულის თასთან ერთად თბილისში დაბრუნდა. შეგახსენებთ, რომ გუშინ დორტმუნდში, რურის თასის ფინალში დინამოელებმა თურქული გალათასარაი დაამარცხეს. შეხვედრის 44- ე წუთზე ანგარიში არჩილ მესხმა გახსნა, თუმცა სტამბულელებმა ერთ წუთში გაათანაბრეს. ანგარიში 1:1 აღარ შეცვლილა და დაინიშნა მატჩისშემდგომი პენალტების სერია. დინამოელებმა გადამწყვეტი დარტყმები უფრო ზუსტად შეასრულეს და საბოლოოდ თბილისელებმა 3:2 აჯობეს გალათასარაის.
დინამო: კულუა, კაპანაძე, ჯაფიაშვილი, ლოჩოშვილი (ნემსაძე), სამხარაძე, ქიქავა, კობახიძე,ვეკუა (კვერნაძე), ლაშხია (მაჭავარიანი), ვოლკოვი, მესხი
½ ფინალი: დინამო – ბორუსია (მიუნჰენგლადბახი, გერმანია) 0:0, პენალტებით 3:2.
ჯგუფურ ეტაპზე:
დინამო – ბორუსია (დორტმუნდი, გერმანია) 0:0
დინამო – ვიქტორია (პლზენი, ჩეხეთი) 0:0
დინამო – ვოლფსბურგი (გერმანია) 1:0
დინამო – ბენფიკა (ლისაბონი, პორტუგალია) 1:1
ტურნირში ასევე მონაწილეობდნენ: შალკე (გელზენკირხენი, გერმანია), ვესტ ჰემ იუნაიტედი (ლონდონი, ინგლისი), მაქაბი (ნეთანია, ისრაელი).
რურის თასი ევროპაში ერთ-ერთი ყველაზე პრესტიჟული საკლუბო ტურნირია ახალგაზრდებს შორის. ასეთი რანგის საკლუბო ტურნირში მონაწილეობა ქართველმა ახალგაზრდებმა პრაქტიკულად პირველად მიიღეს.
დინამო U-19 (მთავარი მწვრთნელი- კახი გოგიჩაიშვილი) დაკომლექტებული იყო დინამო 2-ის, დუბლების და აკადემიის ფეხბურთელებით.
დინამო TV გთავაზობთ ჩემპიონების თბილისში დაბრუნების ამსახველ ვიდეო სიუჟეტს.
FCDinamo.GE
