გამბიელმა ფეხბურთელმა “მილანი” და “ბოლონია მოატყუა – რამდენი წლისაა ის რეალურად?

გამბიელმა ფეხბურთელმა იუსუფა იაფამ იტალიის სერია A-ს ორი კლუბი – “მილანი” და “ბოლონია” მოატყუა.

იაფა “როსონერის” აკადემიაში 2013 წელს მივიდა, როცა ის ამბობდა, რომ 17 წლის იყო. 2014 წელს, “შავ-წითლებმა” ფეხბურთელი “ბოლონიაში” გაანათოხვრეს, რის შემდეგაც გამბიელი ისევ “მილანში” დაბრუნდა, სადაც მას ფილიპო ინძაგი წვრთნიდა.

2015 წელს, იუსუფამ იტალია დატოვა და გერმანიაში გადაბარგდა, სადაც ჯერ ფრანკფურტის “აინტრახტში” ჩაირიცხა, შემდეგ კი “დუისბურგში”.

იტალიაში, მისი საბუთების თანახმად, ის 1996 წლის 31 დეკემბერს იყო დაბადებული, გერმანიაში კი მან თავისი ნამდვილი ასაკი გაამჟღავნა. როგორ აღმოჩნდა, იაფა 1987 წელს დაიბადა და ის ახლა 28 წლისაა.

გავრცელებული ინფორმაციის თანახმად, ფეხბურთელი იტალიაში დაიბარეს, სადაც სასამართლო პროცესი უნდა გაიმართოს.