გამოსათხოვარი წერილი

დორტმუნდის “ბორუსიას” თავდამსხმელი ერლინგ ჰოლანი, რომელიც მომავალი სეზონიდან “მანჩესტერ სიტის” ღირსებას დაიცავს, გერმანულ გუნდს დაემშვიდობა.

“სასიამოვნო და საპატიო იყო ამ მაისურის ტარება. “ბორუსიაში” დაუვიწყარი მომენტები მქონდა, შევხვდი განსაკუთრებულ ხალხს, არაჩვეულებრივ თანაგუნდელებს. აღარაფერს ვამბობ ჩვენს ფანობაზე, რომელიც მოედანზე ყოველთვის მე-12 ფეხბურთელად გვემატებოდა. ყვითელი კედელი მართლაც წარმოუდგენელი რამ არის. მისი მომსწრე ცხოვრებაში ერთხელ მაინც უნდა გახდეს. არაფერს დავივიწყებ. მადლობა თითოეულ თქვენგანს!” – დაწერა სოციალურ ქსელში ჰოლანმა.

ერლინგ ჰოლანი “ბორუსიას” შემადგენლობაში 2019 წლის ზამთრიდან გამოდის. მან ამ პერიოდის განმავლობაში 89 შეხვედრა ჩაატარა, 86 გოლი გაიტანა და 23 შედეგიანი გადაცემა მიითვალა.

ნორვეგიელმა ფეხბურთელმა “მანჩესტერ სიტისთან” ხუთწლიანი კონტრაქტი გააფორმა. ის ინგლისური კლუბი წევრი ოფიციალურად 1-ელ ივლისს გახდება.