გარაი: “ბენფიკამ” ბოლომდე იბრძოლა”

თარიღი: მაისი 15, 2014

ლისაბონის “ბენფიკას” მცველმა ეზეკილ გარაიმ ევროპის ლიგის ფინალური მატჩი შეაფასა და თქვა, რომ პორტუგალიური კლუბის ფეხბურთელებმა ბოლომდე იბრძოლეს, მაგრამ წარმატებას მაინც ვერ მიაღწიეს.

შეგახსენებთ, რომ 14 მაისს, ევროპის ლიგის ფინალში ერთმანეთს “სევილია” და “ბენფიკა” დაუპირისპირდნენ. გამარჯვებულის ვინაობა პენალტების სერიაში გამოვლინდა, სადაც უკეთ ესპანელთა ფეხბურთელები გამოიყურებოდნენ.

“წაგებული მატჩის შემდეგ საუბარი, რა თქმა უნდა, ძალიან რთულია. სამწუხაროა, რომ დავმარცხდით. იმის თქმა ნამდვილად შემიძლია, რომ “ბენფიკამ” ბოლომდე იბრძოლა, მაგრამ არ გაგვიმართლა. ხვალიდან ახალ სეზონზე ვიფიქრებთ და შევეცდებით, გულშემატკივრებს სიხარული მოვუტანოთ”, – ამბობს გარაი.

მსგავსი სიახლეები