გარეთ ბეილი: ” დროა გავიბრწყინოთ”
ევრო 2016-ის მეოთხედფინალების დაწყებამდე უელსისა და მადრიდის “რეალის” ფორვარდმა პრესასთან ისაუბრა და აღნიშნა, რომ ამ ეტაპზე გასვლა მათთვის უდიდესი მიღწევაა.
“ბედნიერები ვართ. ჩვენი დროა, უნდა გავიბრწყინოთ. ეს მიღწევა მართლაც რომ გასაოცარია.” – განაცხადა “რეალის” ვარსკვლავმა პრესასთან საუბრისას.
“ჩრდილო ირლანდიელებთან მატჩი ძალიან ცუდი იყო, ეს ჩვენ არ შეგვეფერებოდა. მაგრამ ასეთი ცუდი მატჩების მოგება კარგად აჩვენებს, თუ როგორია ჩვენი სული და ხასიათი. ძალიან ბედნიერები და ამაყები ვართ.”
უელსელები მეოთხედფინალში ბელგიელებს დაუპირისპირდებიან. ეს გუნდები ერთმანეთს ევროპის ჩემპიონატის საკვალიფიკაციო ეტაპზეც შეხვდნენ. ეს გუნდები ბოლოს კარდიფში შეხვდნენ. მაშინ გამარჯვება უელსელებს დარჩათ, გამარჯვების გოლი კი სწორედ ბეილმა გაიტანა.
“ის მომენტი მაშინ ჩვენთვის გადამწყვეტი იყო. ამის შემდეგ რწმენით ავივსენით, ვიწამეთ რომ ჩვენ ეს მართლა შეგვიძლიათ. ამან თოვლის პატარა გუნდის ეფექტი იქონია, რომელმაც ზვავი გამოიწვია.
ბელგიის დამარცხება – ნომერ მეორე გუნდი საერთაშორისო დონეზე ამ დროისთვის – დამატებით რწმენას გაძლევს და გადაყავხარ ახალ ეტაპზე. ჩვენ ახალ ეტაპზე ვართ.”
