გარეთ ბეილმა რეაბილიტაციის პროცესი შეაფასა

მადრიდის “რეალის” უელსელმა ვარსკვლავმა, გარეთ ბეილმა მადრიდელ ფანებს სასიხარულო ინფორმაცია ამცნო, რომლის თანახმადაც, რეაბილიტაციის პროცესი წარმატებით მიმდინარეობს.

როგორც იცით, ბეილმა ტრავმა ჩემპიონთა ლიგის ეგიდით, ლისაბონური “სპორტინგის” წინააღმდეგ გამართულ მატჩში (2-1) მიიღო. ფორვარდს მუხლზე ოპერაცია გასულ კვირას ჩაუტარდა.

ბეილმა, რომელსაც დაახლოებით ოთხი თვის გატარება მოუწევს ლაზარეთში, განაცხადა: “რეაბილიტაციის პროცესი წარმატებით მიმდინარეობს. თავს გაცილებით უკეთ ვგრძნობ, პროგრესი სახეზეა.

მინდა ბიჭებს წარმატებები ვუსურვო “დორტმუნდთან” გასამართ მატჩში (ოთხშაბათი, ჩემპიონთა ლიგა). მე მათ სახლიდან ვუგულშემატკივრებ. ჰალა მადრიდ!”

Thanks for all your messages over the last few days, just wanted to give you a quick update on my recovery!????????https://t.co/da5hKV8Ses

— Gareth Bale (@GarethBale11) December 5, 2016