გარსია: “შევცვალეთ ტაქტიკა და მოვიგეთ”

რომაელთა მთავარი მწვრთნელი იტალიის ჩემპიონატის მერვე ტურში მოპოვებული გამარჯვების შემდეგ კომენტარს აკეთებს.

მოგეხსენებათ, “რომამ” “ემპოლი” ანგარიშით 3-1 დაამარცხა. სამივე ბურთი “მგლებმა” მატჩის მეორე ნახევარში გაიტანეს.

“ემპოლიმ” უამრავი პრობლემა შეგვიქმნა, განსაკუთრებით პირველ ტაიმში, როდესაც ისინი თავდასხმას აქტიურად მიმართავდნენ. მათ საჯარიმოსთან ბურთის კონტროლის დამყარებას ვცდილობდით, თუმცა ვერა და ვერ გაგვქონდა”, – აცხადებს რუდი გარსია.

“შესვენების შემდეგ ტაქტიკური სქემა შევცვალეთ. გადავედით 4-4-2-ზე, რათა ნახევარდაცვის ხაზი უფრო გაგვეძლიერებინა. საბოლოოდ, ამან შედეგი გამოიღო”, – დაასრულა ფრანგმა სპეციალისტმა.

შეგახსენებთ, “ემპოლისთან” მოპოვებული გამარჯვების შემდეგ “რომას” სერია ა-ში 17 ქულა მოუგროვდა.