გარი ნევილი: “მანჩესტერ იუნაიტედი” ფეხბურთელთა სასაფლაოდ იქცა”
“მანჩესტერ იუნაიტედის” ყოფილმა მცველმა გარი ნევილმა, რომელიც დღესდღეობით საფეხბურთო ტელეექსპერტად მუშაობს, “წითელი ეშმაკების” პრობლემებზე ისაუბრა.
“უკანასკნელ ათწლეულში “მანჩესტერ იუნაუტედის” ერთ-ერთი მთავარი პრობლემა ის არის, რომ კლუბი მწვრთნელებს ტრანსფერებზე კონტროლის უფლებას აძლევს. ეს სერიოზული პრობლემაა. “მანჩესტერ იუნაიტედმა” ბოლო ათი წლის განმავლობაში 1,2 მილიარდი ფუნტი დახარჯა და ტრანსფერების 75 პროცენტმა არ გაამართლა.
ამის მიუხედავად, კლუბი ბოლო წლების განმავლობაში ყველაფერში ფეხბურთელებს ადანაშაულებს. ჩემი ჩათვლით არიან ადამიანები, რომლებსაც რამდენიმე ტრანსფერი მოეწონათ, მათ შორის – შარშან განხორციელებული: ვარანი, სანჩო და რონალდუ. მანამდე იყო დი მარია.
“მანჩესტერ იუნაიტედი” ფეხბურთელთა სასაფლაოდ იქცა. მოთამაშეები ახლა ფიქრობენ, რამდენად ღირს ამ გუნდში გადასვლა. ბოლო წლებია კლუბის აკადემიაც არაეფექტიანად მუშაობს”, – ციტირებს გარი ნევილის სიტყვებს “მირორი”.
