“გაუგზავნეთ მესიჯი ჰაკანს!” – ზლატან იბრაჰიმოვიჩმა ჩალჰანოღლუს დასცინა (ვიდეო)
22 მაისს, “მილანმა” სერია A-ს ბოლო ტურში “სასუოლო” სტუმრად 0:3 დაამარცხა და იტალიის ჩემპიონი კლუბის ისტორიაში მეცხრამეტედ გახდა.
გუშინ, 23 მაისს, “მილანის” ფეხბურთელებმა ჩემპიონობა ქალაქის ქუჩებში ფანებთან ერთად იზეიმეს. ერთ ეპიზოდში, ზლატან იბრაჰიმოვიჩმა ყოფილ თანაგუნდელს, ჰაკან ჩალჰანოღლუს დასცინა და “როსონერის” ფანებს თურქი ფეხბურთელის საწინააღმდეგ შეძახილებისაკენ მოუწოდა.
“გაუგზავნეთ მესიჯი ჰაკანს! თქვენი ხმა არ მესმის. გაუგზავნეთ მესიჯი ჰაკანს!” – ამბობდა იბრაჰიმოვიჩი.
Zlatan chiede ai tifosi un messaggio per Hakan 🤷🏻♂️ pic.twitter.com/qfFAv6FR5v
— Simone Cristao (@SimoneCristao) May 23, 2022
შეგახსენებთ, რომ ჩალჰანოღლუმ “მილანი” 2020-2021 წლის სეზონის დასრულების შემდეგ დატოვა და “ინტერს” შეუერთდა. 28 წლის შემტევმა ნახევარმცველმა სერია A-ს გასულ სეზონში “მილანს” გოლი გაუტანა და ის პროვოკაციულად აღნიშნა.
