გეგა დიასამიძე: “თავიდან ჩემპიონობა არ ყოფილა მიზანი, მაგრამ გამოჩნდა, რომ შეგვეძლო”

თარიღი: იანვარი 4, 2019

საქართველოს ფეხბურთის ფედერაციის ჟურნალში – “ფეხბურთი”, საბურთალოს” ნახევარმცველის გეგა დიასამიძის ინტერვიუ გამოქვეყნდა. ჟურნალისტ ილია ნანობაშვილისა და რესპოდენტის საუბარს ქვემოთ უცვლელად გთავაზობთ:
საბურთალო ჩემპიონი გახდა, ხოლო გუნდის ერთ–ერთი გამორჩეული და სტაბილური ფეხბურთელი გეგა დიასამიძე გახლდათ. ნატიფი ტექნიკა, თამაშის რბილი მანერა, დაფარული პასი – დიასამიძეს აქვს ის თვისებები, რაც ბევრ სხვა ფეხბურთელზე წინ აყენებს. 26 წლისაა და შეიძლება ითქვას, სწორედ ახლაა საუკეთესო ფორმაში.

გეგამ 33 მატჩში 7 გოლი გაიტანა, ნახევარდაცვაში კარგ სამეულს ქმნიდა ვაგნერ გონსალვეშთან და თორნიკე გორგიაშვილთან ერთად. აქვე, ჩვენი ინტერვიუ დიასამიძესთან:

უპირველესად, რის ხარჯზე გახდა ჩემპიონი საბურთალო?

რამდენიმე ფაქტორი იყო. კარგი შემადგენლობა შეიკრიბა, გუნდი ნაყოფიერად მოემზადა და ტურიდან ტურამდე უკეთ თამაშობდა. საბურთალო დაბალანსდა, ყველა რგოლში ნორმალურად გამოვიყურებოდით და ეს მწვრთნელის დამსახურებაა. თავიდან ჩემპიონობა არ ყოფილა მიზანი, მაგრამ გამოჩნდა, რომ შეგვეძლო.

აბა, თავიდან რა იყო მიზანი?

სამეულში თუ გავიდოდით, კარგი შედეგი იქნებოდა, მაგრამ მერე მიზანი შეიცვალა: ჩემპიონობა რეალური ჩანდა.

შეგიძლიათ, გარდამტეხი პერიოდი დაასახელოთ?

მეორე წრეში ზედიზედ სამი მატჩი მოვიგეთ ძლიერ გუნდებთან: დინამოსთან, ტორპედოსთან, ჩიხურასთან. ამ თამაშების მერე დავიჯერე, რომ ჩემპიონობა ძალიან შორსაც არ იყო.

კონკრეტულად თქვენი საუკეთესო მატჩი?

კოლხეთთან ორი გოლი გავიტანე და ერთი საგოლე პასი გავაკეთე.

მიიჩნევ, რომ კარიერაში ყველაზე კარგი სეზონი წლეულს გქონდათ?

დიახ. გოლებითაც, საგოლე პასებითაც და რაც მთავარია, ჩემპიონობით. ბოლოს და ბოლოს, პირველად გავხდი ჩემპიონი.

18 წლის იყავი, როცა დანიურ ორჰუსში მოხვდი, თუმცა ახალგაზრდულ გუნდში თამაშობდი და მთავარში ვერ დაწინაურდი. იქიდან საქართველოს ჩემპიონატში დაბრუნდი, მაგრამ ფაქტია, ვერ გამოირჩეოდი. მხოლოდ შარშანწინ, თბილისის ლოკომოტივში კარგად ათამაშდი. ამდენი ხანი რატომ ჩაგივარდა?

სამწუხაროდ, წელზე მქონდა პრობლემები, ცხრა თვე გამიცდა. მერე საქართველოში რომ დავბრუნდი, როგორც ხშირად ხდება, ყველა გუნდში მწვრთნელებს თავისი ფეხბურთელები ჰყავდათ. მე თვითონაც ბევრი დავაკელი. გიორგი დევდარიანმა მიმიწვია დინამოში, მაგრამ მალე დევდარიანი გაუშვეს. გუნდს ცუდი შედეგები ჰქონდა. მოგვიანებით კი გიორგიმ ლოკომოტივში მიმიწვია. ნდობა მჭირდებოდა.

და დანიაში რატომ ვერ მოიკიდეთ ფეხი?

ორჰუსის ახალგაზრდულში კარგად ვთამაშობდი და ძირითადში გადაყვანაზეც იყო საუბარი. თუმცა ტრავმა დაემატა, კიდევ, უსიამოვნება მომივიდა მწვრთნელთან. საწყენია, რომ დანიაში შანსი ვერ გამოვიყენე. იმ დროს ნორვეგიაში გადასვლის შანსი მქონდა და ახლა ზოგჯერ ვფიქრობ, რომ უკეთესი იქნებოდა იქ გადავსულიყავი, თუმცა საქართველოში დავბრუნდი.

საქართველოს ჩემპიონატში რას გამოასწორებდით?

უპირველესად, მოედნებს. თავიდან თითქოს არ იყო პრობლემა, მაგრამ რაც ამინდები აირია, თამაში გართულდა. არ მომწონს, რომ მწვრთნელები ხშირად იცვლებიან. ასევე, ფეხბურთელების ხშირად გადასვლა–გადმოსვლაც არ ვარგა. სტაბილურობა უკეთსი იქნებოდა. კიდევ, მეტი შანსი უნდა მიეცეთ ახალგაზრდებს. ვხედავ, ბევრ გუნდში მათ მიმართ ნდობა არაა. თუმცა, მომწონს ბევრი რამ: ვხედავ, გაშუქება კარგია. ხელოვნურ საფარზე რომ აღარ ტარდება მატჩები, ესეც ძალიან მომწონს, ოღონდ, რაც წეღან ვთქვი, ბუნებრივი, ბალახის მოედანი უკეთესი უნდა იყოს.

თქვენი ნება რომ იყოს, ჩემპიონატის საუკეთესო ფეხბურთელად ვის დაასახელებდით?

ოთარ კიტეიშვილს. ზაფხულამდე ითამაშა თბილისის დინამოში და გუნდისთვის ძალიან დიდ ძალას წარმოადგენდა. კარგი სეზონი ჰქონდათ ბუდუ ზივზივაზეს, გიორგი გაბედავას და საერთოდ, ვფიქრობ, ბევრი კარგი ფეხბურთელი იყო ამ სეზონში.

ჭიაბრიშვილს როგორ დაახასიათებდით?

წლეულს პირველად ვიმუშავე მასთან ერთად. ნამდვილად კარგი მწვრთნელია, თავის საქმეზე შეყვარებული.

Fcsaburtalo.ge

მსგავსი სიახლეები
ფეხბურთი

ვარანი “სიტისთან” მარცხზე: “პასუხისმგებლობას საკუთარ თავზე ვიღებ”

მადრიდის “რეალის” ფრანგმა მცველმა, რაფაელ ვარანმა, “მანჩესტერ სიტისთან” წაგებული მატჩის შემდეგ პრესასთან ისაუბრა და პასუხისმგე...
წაკითხვა
ფეხბურთი

“ლიონმა” “იუვენტუსის” ბარიერი დაძლია (ვიდეო)

უეფას ჩემპიონთა ლიგის მერვედფინალურ ეტაპზე ტურინის “იუვენტუსსა” და “ლიონს” შორის საპასუხო შეხვედრა გაიმართა, რომელიც იტალიელთა...
წაკითხვა
ფეხბურთი

“მანჩესტერ სიტიმ” “რეალი” მეორე მატჩშიც დაამარცხა (ვიდეო)

უეფას ჩემპიონთა ლიგის მერვედფინალურ ეტაპზე “მანჩესტერ სიტისა” და მადრიდის “რეალს” შორის საპასუხო მატჩი გაიმართა, რომელიც [&hel...
წაკითხვა
ფეხბურთი

გაიცანით ეროვნული ლიგის კენიელი ვარსკვლავი ამოს ნონდი, რომელიც “დილას” ხერხემა

გორის “დილა” 16 ქულით ეროვნული ლიგის ლიდერია და ყველა საუბრობს მიკოლა კოვტალიუკზე, გურამ გიორბელიძეზე, ნიკა […]...
წაკითხვა
ფეხბურთი

ვარანის შეცდომა და სტერლინგის სწრაფი გოლი “რეალთან” მატჩში (ვიდეო)

“მანჩესტერ სიტისა” და მადრიდის “რეალს” შორის მიმდინარე მატჩში ანგარიში რაჰიმ სტერლინგის სწრაფი გოლით გაიხსნა, რაშიც […]...
წაკითხვა
ფეხბურთი

ალექსის სანჩესი “ინტერის” სრულფასოვანი მოთამაშე გახდა

ალექსის სანჩესი მილანის “ინტერის” სრულფასოვანი მოთამაშე გახდა. კლუბმა ჩილელი ფეხბურთელი უსასყიდლოდ დაიმატა. შეგახსენებთ, რომ მანამდე [&hel...
წაკითხვა
ფეხბურთი

ბეილი გოლფის თამაშისას დააფიქსირეს (ვიდეო)

მადრიდის “რეალის” უელსელი ვარსკვლავი, რომელიც თვეში ხელფასის სახით ორ მილიონ ფუნტზე მეტს იღებს, კამერებმა გოლფის […]...
წაკითხვა
ფეხბურთი

ხამესი “რეალში” აღარ ითამაშებს

“ასის” ინფორმაციით, მადრიდის “რეალის” მთავარ მწვრთნელ ზინედინ ზიდანს ხამეს როდრიგესი აღარ სჭირდება. წყაროს თანახმად, 5 [&helli...
წაკითხვა
ფეხბურთი

კანადურმა სარაგბო კლუბმა რუსული “ტამბოვი” გააშარჟა

რუსეთის პრემიერ ლიგაში მოასპარეზე “ტამბოვმა” ახალი სეზონის დაწყებამდე ლოგო შეცვალა, რასაც კანადური სარაგბო კლუბი ირონიულად […]...
წაკითხვა
ფეხბურთი

არა გუარდიოლას! ვინ გახდება პრემიერ ლიგის სეზონის საუკეთესო მწვრთნელი?

ინგლისის პრემიერ ლიგის ოფიციალურმა ვებ-გვერდმა იმ ოთხი მთავარი მწვრთნელის კანდიდატურა წარმოადგინა, რომელთ შორისაც ფანებმა სეზონის […]...
წაკითხვა
ფეხბურთი

ვან პერსი “ფეიენოორდის” სამწვრთნელო შტაბის წევრი გახდა

“არსენალისა” და “მანჩესტერ იუნაიტედის” ყოფილი ვარსკვლავი, რობინ ვან პერსი, კარიერას დამხმარე მწვრთნელის ამპლუაში გააგრძელებს. ...
წაკითხვა
ფეხბურთი

“იუვენტუსმა” ახალი სეზონის გასვლითი ფორმა წარადგინა (ფოტო)

ტურინის “იუვეტნუსმა” ახალი 2020/21 წლების სეზონის გასვლითი ფორმა წარადგინა, რომელიც მუქი ტონალობის ფერშია გადაწყვეტილი....
წაკითხვა
ფეხბურთი

ზიდანი: “ბეილმა თავად გადაწყვიტა, რომ “სიტისთან” თამაში არ უნდა”

მადრიდის “რეალმა” “მანჩესტერ სიტისთან” ჩემპიონთა ლიგაზე გასამართი მატჩისთვის 24-კაციანი განაცხადი წარადგინა, სადაც დისკვალიფიც...
წაკითხვა
ფეხბურთი

დღის მთავარი სატრანსფერო ამბები – 6 აგვისტო

“ბარსელონამ” თვალი სოიონჩუს დაადგა “ლესტერ სიტის” თურქი მცველი, ჩაღლარ სოიონჯუ, შესაძლოა, უახლოეს მომავალში “ბარსელონას&...
წაკითხვა
ფეხბურთი

UEFA: ევროტურნირები მაყურებლის გარეშე და გადადებული 19-წლამდე ელიტ-რაუნდი

6 აგვისტოს უეფას ორგანიზებით მორიგი ვიდეო კონფერენცია გაიმართა, რომელშიც ევროპული ფეხბურთის მმართველი ორგანოს წევრი ასოციაციების […]...
წაკითხვა