გეგუჩაძე: “ტაში ჯერ ნაადრევია”
ევროპის ლიგის პირველ საკვალიფიკაციო ეტაპზე, აზერბაიჯანული “გაბალას” ანგარიშით 2:1 დამარცხების შემდეგ, თბილისის “დინამოს” მთავარმა მწვრთნელმა გია გეგუჩაძემ ჟურნალისტების კითხვებს უპასუხა.
“ტაში ჯერ ნაადრევია. ბიჭები მეც შევაქე. მომდევნო ეტაპზე ჯერ არ გავსულვართ. ის, რომ ათი კაცით ორი გოლი გავიტანეთ, ჩვენს ბრძოლისუნარიანობაზე მეტყველებს. შედეგზე გარკვეული გავლენა იაშვილის შემოსვლამაც იქონია. ჯერ უცნობია, რამდენად რთული ტრავმა მიიღო ცინცაძემ. იგივე მიზეზით მანამდე მოედანი ჭანტურიშვილმა დატოვა.
სჯობს, მსაჯზე არ ვისაუბრო და ეს საკითხი ჟურნალისტებს მივანდო. რამდენიმე მომენტში ზონების გადაკეტვა ვერ მოვახერხეთ. დადებითი მომენტებიც იყო, პირველ ტაიმში უპირატესობას ვფლობდით. მეტოქე მაღალი დონის იყო და მას გარჯა არ უნდა დავუკარგოთ. უფრო ჩვენი ფეხბურთელების დამსახურებაა, რომ მეტოქემ კარგად ვერ ითამაშა. ცუდია, რომ სახლში გოლი გავუშვით. არ ვიცი, ეს გოლი ორმატჩიან შედეგზე როგორ იმოქმედებს.”
