გელაშვილის დუბლი აზერბაიჯანის ჩემპიონატში

თარიღი: ნოემბერი 3, 2013

3 ნოემბერს, აზერბაიჯანის ჩემპიონატში მეთორმეტე ტურის მატჩები გაიმართა. ნიკოლოზ გელაშვილის “ყარაბაღმა” საკუთარ მოედანზე “გაბალა” მიიღო და მეტოქე ანგარიშით 4:3 დაამარცხა.

ქართველმა ფორვარდმა მასპინძელი გუნდის გამარჯვებაში ლომის წვლილი დაიდო, მან მეტოქის კარი ორჯერ დალაშქრა, ხოლო ერთხელ კი, თანაგუნდელს საგოლე პასი გაუკეთა. გელაშვილმა თავი 26-ე და 50-ე წუთებზე გამოიჩინა, მოედნიდან კი 75-ე წუთზე გაიყვანეს.

ამრიგად, “ყარაბაღი” 27 ქულით, აზერბაიჯანის ჩემპიონატში პირველ ადგილს იკავებს და მეორე პოზიციაზე მყოფ “ნეფთჩის” ორი ქულით უსწრებს.

დიტო ჭიჭინაძე

მსგავსი სიახლეები