გენერალური რეპეტიცია მეგობრების პრინციპულ დაპირისპირებაში
დღეს, თბილისის დროით 22 საათზე საქართველოსა და უკრაინის ეროვნული ნაკრებები ამხანაგურად გაეჯიბრებიან ერთმანეთს. ჩვენც და ჩვენს მეტოქესაც რამდენიმე დღეში მნიშნველოვანი საკვალიფიკაციო მატჩები გველის, ამიტომ დღევანდელ შეხვედრას გუნდის მომზადების თვალსაზრისით დიდი მნიშვნელობა აქვს.
ავსტრიაში ჩასატარებელი მატჩი საქართველოსა და უკრიანის მეცხრე დაპირისპირება იქნება. დღემდე გამართულ 8 შეხვედრაში ქართველებმა ერთხელაც ვერ მოახერხეს უკრაინელთა დამარცხება, 5-ჯერ დამარცხდნენ, ხოლო 3 დუელი ფრედ დასრულდა. ასე რომ, დროა ჯვაროსნებმაც იმარჯვონ.
საქართველოსა და უკრაინის ნაკრებების დაპირისპირებათა ისტორია სტარტს 98 წელს კიევში ჩატარებული მატჩით იღებს, რომელიც მასპინძელთა გამანადგურებელი გამარჯვებით, 4:0 დასრულდა. უკანასკნელად კი დღევანდელი მეტოქეები ერთმანეთს 2007 წელს, თბილისში შეხვდნენ. ჩვენს ეროვნულ გუნდს მაშინ კლაუს ტოპმიოლერი წვრთნიდა, მატჩი კი დავით სირაძის მიერ 89-ე წუთზე გატანილი გოლით ფრედ, 1:1 დასრულდა.
აღსანიშნვია, რომ უკრაინელებმა უკანასკნელ მატჩებში კარგი შედეგები ვერ აჩვენეს. ფომენკოს შეგირდები უკვე სამი თამაშია ვერ იგებენ და თუ ესპანეთთან მარცხი არავის გაკვირვებია, ლიტვისა და ლატვიის გუნდებთან ფრეები უკრაინის დონის გუნდისთვის დამაკმაყოფილებელი ნამდვილად არ უნდა იყოს. თუმცა, ისიც უნდა ვთქვა, რომ უკრაინელები ბალტიისპირელებს ამხანაგურაად ხვდებოდნენ და ვერმოგებული თამაშებით საკვალიფიაკციო ჯგუფში საქმე ვერ გაიფუჭეს.
სასტარტო შემადგენლობის მხრივ ჩვენი უკრაინელი კოლეგები საკუთარ გუნდში გარკვეულ ცვლილებებსა და ექსპერიმენტებს ელიან, რაც საქართველოს შემთხვევაში ფაქტობრივად გამორიცხულია. ნათელია, რომ ცხადაძისთვის დღევანდელი მატჩი პოლონეთის წინ გენერალური რეპეტიციაა.
საქართველო – უკრაინა
საქართველო: ლორია -კაშია, ამისულაშვილი, დვალი, ლობჟანიძე, მახარაძე, ყაზაიშვილი, ნავაოვსკი, ოქრიაშვილი, კობახიძე, ვაწაძე
უკრაინა: ბოიკო – გუსევი, ხაჩერიდი, რაკიცკი, შევჩუკი, ტიმოშუკი, რიბალკა, იარმოლენკო, სიდორჩუკი, ოლეინიკი, კრავეცი
