“გენტმა” “ბრიუგეც” დაამარცხა და ჩემპიონთა ლიგას უფრო მიუახლოვდა – ჩაკვეტაძე მეორე ტაიმში შემოვიდა

გუშინ ბელგიის საუკეთესო ექვს გუნდს შორის მორიგი საპლეიოფო მატჩები შეგდა. მეორე ტურში “გენტმა” “ბრიუგე” მიიღო და მეტოქე მინიმალური ანგარიშით დაამარცხა. ერთადერთი გატანილი ბურთის ავტორი სამუელ კანუ ოჯიმი გახდა. 20 წლის ნიგერიელმა მეორე წუთზე შეაგდო.

საგულისხმოა, რომ 63-ე წუთზე გამარჯვებული გუნდის რიგებში ქართველი ნახევარმცველი, გიორგი ჩაკვეტაძე შემოვიდა. მან ანდერსონ ესიტი შეცვალა.

ჩაკვეტაძის გუნდს ამჟამად 31 ქულა აქვს და მეორეზეა. ის ლიდერ “ბრიუგეს” ექვსი ქულით ჩამორჩება. ეს იმას ნიშნავს, რომ “გენტი” ჩემპიონთა ლიგის ზონაშია (ამ პოზიციის დაკავების შემთხვევაში, პლეი-ოფში ითამაშებს, თუ პირველზე გავა, ის პირდაპირ მოხვდება ევროპის ყველაზე პრესტიჟულ ტურნირზე). გეტყვით, რომ ქართველის კლუბი მომდევნო ტურის მატჩს ლიეგეს “სტანდარდთან” 14 აპრილს გამართავს.