გერმანია: ბასილაშვილი მეოთხედფინალში

გერმანიის ქალაქ ბრაუნშვაიგში ვაჟთა საერთაშორისო ტურნირი (საპრიზო ფონდი 105.600 ევრო) მიმდინარეობს.

6 ივლისს, აღნიშნული ტურნირის მერვედფინალში ერთმანეთს ნიკოლოზ ბასილაშვილი და 20 წლის რუსი პერსპექტიული მოთამაშე კარენ ხაჩანოვი დაუპირისპირდნენ. ქართველმა მეტოქის დამარცხება სამ სეტში – 6:2, 4:6, 6:4 მოახერხა და მეოთხედფინალში გავიდა.

ბასილაშვილის მეტოქე შემდეგ ეტაპზე მსოფლიო კლასიფიკაციაში 62-ე პოზიციაზე მყოფი ტომას ბელუჩი იქნება. მატჩი დღეს, თბილისის დროით 14:00 წუთზე დაიწყება.